ရန်ကုန်၊ ဖေဖော်ဝါရီ ၈
တနင်္သာရီတိုင်း၊ ထားဝယ်မြို့၊ ဗိုလ်ချုပ်လမ်းပေါ်က ရိုးမဘဏ် အနီး ဒီနေ့ နေ့လည် ၁၂နာရီဝန်းကျင်က အမျိုးသားတစ်ဦး သေနတ်နဲ့ပစ်သတ်ခံခဲ့ရတယ်လို့ အနီးအနားရှိနေသူတွေထံက သိရပါတယ်။
အဖြူရောင် Surf ကားပေါ်ကဆင်းလာတဲ့အမျိုးသားတစ်ဦး သေနတ်နဲ့ပစ်ခံရတာဖြစ်ပြီး သွေးအိုင်ထဲမှာလဲကျနေတာကိုတွေ့ရတယ်လို့ အနီးအနားရှိသူတချို့ကဆိုပါတယ်။
ခဏအကြာ ရဲတွေရောက်ရှိလာပြီး သေနတ်နဲ့ပစ်ခံရသူကိုလူနာတင်ယာဥ်နဲ့သယ်ဆောင်သွားတယ်လို့သိရပါတယ်။
သေနတ်ပစ်ခံရသူအမျိုးသားဟာ လောင်းလုံးမြို့နယ်က ရေခဲစက်ပိုင်ရှင်တစ်ဦးဖြစ်တယ်လို့ကနဦးသိရပြီး သေနတ်ဒဏ်ရာနဲ့သေဆုံးသွားတယ်လို့ သတင်းထွက်ပေါ်နေပေမယ့် အတည်မပြုနိုင်သေးပါဘူး။
ဒီနေ့ညနေပိုင်းမှာ ရဲတွေက အနီးအနားမှာရှိတဲ့နေအိမ်တွေကCCTV တွေကိုလိုက်လံစစ်ဆေးနေတယ်လို့သိရပါတယ်။
အဲဒီအမျိုးသားကို ဘယ်အဖွဲ့ကပစ်ခတ်ခဲ့တယ်ဆိုတာနဲ့ ဘာကြောင့်ပစ်ခတ်ခဲ့တယ်ဆိုတာကိုတော့မသိရသေးပါဘူး။
The Tanintharyi Times
