ရန်ကုန်၊ ဖေဖော်ဝါရီ ၄
မကွေးတိုင်း၊ ပေါက်မြို့နယ်အရှေ့ပိုင်း၊ပခုက္ကူ-ပေါက် ကားလမ်းမဘေး ရှိ သစ် တောရဲကင်းစခန်းကို Pauk တပ်ရင်း (၄) ၊ မဟာမိတ် King Fighter နှင့်Myaing- MVRFတို့ ပူးပေါင်း၍ ယနေ့ မီးရှို့ရှင်းလင်းလိုက်ကြောင်း Pauk PDF က သတင်းထုတ်ပြန်သည်။
သစ်တောရဲကင်းစခန်းကို ရှို့လိုက်သော မီးသည် အနီးအနားရှိ ဆိုင်များသို့ မကူးစက်စေရေး Pauk PDF က မီးတားနေစဉ် ရေပြာမှ ရဲတပ်ဖွဲ့ ရောက်ရှိ လာပြီး ပစ်ခတ်မှုများလုပ်ဆောင်ကြောင်း၊ ပြည်သူများ ထိခိုက်မည်စိုး၍ ပြန်လည် ပစ်ခတ်ခြင်းမပြုကြောင်း၊ ရဲတပ်ဖွဲ့က ဆိုင်များကို တံခါး ရိုက်ချိုး ခြင်း၊ ဆိုင်ကယ်အပိုပစ္စည်းများ ယူဆောင်ခြင်း၊ ဆိုင်ကယ် ၃ စီးကို လုယက် ယူဆောင်သွားကြောင်း Pauk PDF က ပြောသည်။
