ရန်ကုန်၊ မတ် ၁၂
အကြမ်းဖက်စစ်ကောင်စီ အာဏာသိမ်းပြီး ၁၁ ရက်အကြာ ၂၀၂၁ ခုနှစ် ဖေဖော်ဝါရီလ ၁၁ ရက်နေ့မှ စကာ CDM လှုပ်ရှားမှုတွင် ပါဝင်ခဲ့သည့် နောင်ချိုမြို့ရှိ ဒုတိယမြို့နယ် အုပ်ချုပ်ရေးမှူး ဦးဌေးလင်းအောင်(ခ)ကိုဘမောင် ကို မတ်လ ၃ ရက်နေ့ နေ့လယ် ၂ နာရီဝန်းကျင်တွင် ကျောက်မဲမြို့အဝင်တိုးဂိတ်၌ အကြမ်းဖက် စစ်ကောင်စီဝင် စစ်တပ်၊ ရဲ ၊ ထွေအုပ်ပါဝင်သည့် ပူးပေါင်းအဖွဲ့မှ ဖမ်းဆီးသွားကြောင်း ဒေသခံများက ရန်ကုန်ခေတ်သစ်သို့ ပြောကြားသည်။
လက်ရှိအချိန်တွင် ဦးဌေးလင်းအောင် (ခ) ကိုဘမောင်ကို ကျောက်မဲမြို့ရှိ စရဖ တပ်ဝင်းအတွင်း စစ်ကြောရေးတွင် ရိုက်နှက်စစ်ဆေးနေသည်ဟု ကြားသိရပြီး အသက်အန္တရာယ် စိုးရိမ်ရသည့် အခြေအနေနှင့် ကြုံတွေ့နေသည်ဟု ကြားသိရကြောင်း ဒေသခံတစ်ဦးက ရန်ကုန်ခေတ်သစ်သို့ ပြောပြသည်။
