ရန်ကုန်၊ မတ် ၁၄
ကချင်ပြည်နယ်၊ ဖားကန့်မြို့တွင် ယမန်နှစ်စစ်အာဏာရှင်ဆန့်ကျင့်ရေး သပိတ် တွင် စစ်ကောင်စီတပ်ဖွဲ့ဝင်များ၏ ပစ်ခတ်မှု ကြောင့် ကျဆုံးသွားသော အာဇာနည် ကျော်လင်းထိုက် ကျဆုံးခြင်း တစ်နှစ်ပြည့် ဝမ်း နည်းခြင်း အထိမ်းအမှတ် သပိတ်ကို ပြုလုပ်ခဲ့ကြပြီး အာဇာနည် ကျော်လင်းထိုက် ကျဆုံးခဲ့သော မရှီကထောင် လမ်းပေါ်တွင် လွမ်းသူ့ ပန်းများချကာကောင်းရာသုဂတိလားပါစေ ရန် ဆုတောင်းပေးကြသည်။
အာဇာနည် ကျော်လင်းထိုက်သည် ၂၀၂၁ မတ်လ ၁၄ ရက်နေ့လည်က ဖားကန့် မရှီကထောင် ကုန်းဆင်းတွင် ဆိပ်မူ (ဆိုင်းတောင်) သပိတ် စစ်ကြောင်းနှင့်အတူ ဆန္ဒဖော်ထုတ်နေချိန် စကစ အဖွဲ့ များပစ်ခတ်မှုကြောင့်ကျဆုံး ခဲ့ရပြီး ဖားကန့်ဒေသတွင် စစ်အာဏာရှင်ဆန့်ကျင်ရေးသပိတ် များအတွင်း ပြည်သူ ၃ ဦးကျ ဆုံးခဲ့ကာ ၅၀ဦး ခန့်ဖမ်းဆီးခံခဲ့ရကြောင်း သိရှိရသည်။
