ရန်ကုန်၊ မတ် ၁၅
အကြမ်းဖက် လူသတ် ဖက်ဆစ် စစ်ကောင်စီက မတရားအမှုဆင် ဖမ်းဆီးပြီး ထောင်ဒဏ် ၁၂နှစ် ချမှတ်ထားသည့် သာသနာရေးဝန်ကြီး သူရဦးအောင်ကိုသည် ဆေးကုသခွင့်မရရှိသဖြင့် ထောင်တွင်း ကျန်းမာရေး အခြေအနေ ဆိုးဝါးနေကြောင်း သိရှိရသည်။
ဆီးချို ၊ နှလုံး ၊ သွေးအားနည်းရောဂါ အခံရှိသည့် အသက် ၇၅ နှစ်အရွယ် သူရဦးအောင်ကိုသည် အင်းစိန်အကျဉ်းထောင် ၁၀ ပေ ပတ်လည်အခန်းတွင် ဖမ်းဆီးခံထားရပြီး ထောင်တွင်းဆေးဝါးကုသမှု မရရှိကြောင်း သိရှိရသည်။
“ထောင်ဝင်စာကို ၂ပတ် တစ်ကြိမ်ပဲ ပို့ပေးလို့ရတယ်။ စားသောက်နေထိုင်ရေး ခက်ခဲနေတယ်”ဟု မိသားစုနှင့်နီးစပ်သူတစ်ဦးက ပြောသည်။
ပြည်ထောင်စုဝန်ကြီး သူရဦးအောင်ကိုကို စစ်ကောင်စီက အဂတိလိုက်စားမှုတိုက်ဖျက်ရေး ဥပဒေပုဒ်မ ၅၅ ဖြင့် အမှု ၄ ခု အမှုဆင်ဖမ်းဆီပြီး ဥပဒေမဲ့ ထောင်ဒဏ်များချမှတ်ထားခြင်းဖြစ်သည်။
သူရဦးအောင်ကိုသည် စစ်တက္ကသိုလ် အပတ်စဉ် ၁၁ ဆင်းဖြစ်ပြီး တပ်မတော်တွင် ဗိုလ်မှူးချုပ်အဆင့်ထိ တာဝန်ထမ်းဆောင်ခဲ့သော သူရဘွဲ့ရ စစ်ဗိုလ်ချုပ်ဖြစ်ကာ လူထုဒေါ်အောင်ဆန်းစုကြည်အစိုးရလက်ထက်တွင် ပြည်ထောင်စုဝန်ကြီးဖြစ်လာသူဖြစ်သည်။
ဓာတ်ပုံ- အကြမ်းဖက် လူသတ် ဖက်ဆစ် စစ်ကောင်စီ၏ မတရားဖမ်းဆီးခြင်း ခံထားရသော သာသနာရေး ပြည်ထောင်စုဝန်ကြီး သူရဦးအောင်ကို တရားရုံးတွင် အမှုရင်ဆိုင်ရစဉ်ကာလ။
