ရန်ကုန်၊ မတ် ၂၂
ကရင်ပြည်နယ်၊ မြဝတီခရိုင်၊ ဝေါ်လေမြို့နယ်ခွဲ၊ မော်ခီးကျေးရွာရှိ အကြမ်းဖက်စစ်ကောင်စီ၏ ခလရ (၃၂) စခန်းကုန်းကို ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၆၊ တပ်ရင်း (၂၀၁) နှင့် ပူးပေါင်းအဖွဲ့က ယမန်နေ့ မတ်လ ၂၁ ရက်တွင် တိုက်ခိုက်သိမ်ပိုက်လိုက်ကြောင်း သတင်းရရှိသည်။
KNLA တပ်ရင်း ၂၀၁ နှင့် DKBA ပူးပေါင်းအဖွဲ့က ယမန်နေ့ နံနက်တွင် စတင်တိုက်ခိုက်ခဲ့ပြီး ညနေ ၅ နာရီခန့်တွင် သိမ်းပိုက်နိုင်ခဲ့ကြောင်း သိရှိရသည်။
မော်ခီးကျေးရွာရှိ စစ်ကောင်စီစခန်းမှ သိမ်းပိုက်ရရှိသော လက်နက်ခဲယမ်း ဓါတ်ပုံများ လူမှုကွန်ရက်တွင် တွေ့ရှိရပြီး စစ်ကောင်စီတပ်ဖွဲ့ဝင် ထိခိုက်သေဆုံးမှုစာရင်းကို ကရင်အမျိုးသားအစည်းအရုံး KNU က တရားဝင် သတင်းထုတ်ပြန်ခြင်း မရှိသေးပေ။
