By ရန်ကုန်ခေတ်သစ်
ဒီကနေ့ ဧပြီ ၁၃ ရက် နေ့လယ်ပိုင်း ရရှိထားတဲ့သတင်းတွေကတော့
– သင်္ကြန်မဏ္ဍပ်မှာ သီဆိုတဲ့ သီချင်းတွေ နဲ့ တီးလုံးတွေအတွက် မူပိုင်ခွင့် ငွေကြေး မတောင်းဖို့ အတွက် ကိုလည်း စစ်ကောင်စီက အမိန့်ထုတ်ထားပါတယ်။
– စစ်ကောင်စီရဲ့ ရုပ်မြင်သံကြားလိုင်းတွေမှာ ရန်ကုန်မြို့တော်ဝန်မဏ္ဍပ်ဖွင့်ပွဲကို တိုက်ရိုက်ထုတ်လွှင့်ပြသ နေပြီး အဲ့ဒီ့ မြို့တော်ဝန်မဏ္ဍပ်ရှေ့မှာ လူတချို့တင်ဆောင်လာတဲ့ ဖောကား အဖြူ ၃ စီး နဲ့ ဟိုက်ဂျက် ကား အဖြူ ၃ စီးမှာ အကြိမ်ကြိမ် မြို့တော်ဝန်မဏ္ဍပ်ရှေ့ ဖြတ်သန်း ရေပက်ခံနေမှုကို မြင်တွေ့ရကြောင်း ပြည်သူများကပြောပါတယ်။
– မြန်မာနှစ်သစ်ကူး မဟာသင်္ကြန်အကြိုနေ့ မနက်ပိုင်းမှာ မကွေးတိုင်း၊ ပေါက်မြို့နယ်တောင်ပိုင်း၊ လက်ပံလှ ရွာကို စစ်တပ်က ဒုတိယအကြိမ် မီးတင်ရှို့ရှိနေပြီး ပြည်သူတွေ ထွက်ပြေး တိမ်းရှောင် နေရတဲ့ သတင်းနဲ့ နောက်ဆုံးရ သတင်းတွေကို တင်ဆက်ပေးပါမယ်။
