ပခုက္ကူ နည်းပညာ တက္ကသိုလ် အနီး တပ်စွဲထားသော စစ်ကောင်စီ တပ်ဖွဲ့များ ၆ဝ မမ လက်နက်ကြီးဖြင့် ပစ်ခတ်ခံရ စစ်သား ၅ဦးသေဆုံး

ရန်ကုန်၊ ဧပြီ ၁၅

မကွေးတိုင်း ပခုက္ကူ နည်းပညာ တက္ကသိုလ် အနီး တပ်စွဲထားသော အကြမ်းဖက် စစ်ကောင်စီ တပ်ဖွဲ့များကို ယနေ့ ဧပြီလ ၁၅ ရက်နေ့ မွန်းလွဲ ၂နာရီ ၃ဝမိနစ်တွင် ကာကွယ်ရေး တပ်ဖွဲ့များက ၆ဝ မမ လက်နက်ကြီးဖြင့် ပစ်ခတ်တိုက်ခိုက်ခဲ့ပြီး စစ်သား ၅ဦးသေဆုံးခဲ့ကြောင်း Earthquake People’s Defence Force – UG တပ်ဖွဲ့ထံမှ သိရသည်။

အဆိုပါ အကြမ်းဖက် စစ်ကောင်စီ တပ်ဖွဲ့များကို ဒေသခံ ကာကွယ်ရေး တပ်ဖွဲ့များသည် မြိုင် ပြည်သူ့ ကာကွယ်ရေး တပ်ဖွဲ့၊ Young Force -UG ၊ PW Generation နှင့် Earthquake People ‘s Defence Foce-UG တို့က ပူးပေါင်း တိုက်ခိုက်ခဲ့ခြင်းဖြစ်ပြီး ထိခိုက် ဒဏ်ရာ ပြင်းထန်စွာရရှိခဲ့သည့် စစ်သား တချို့ရှိသော်လည်း အရေအတွက် အတည်မပြုနိုင်သေးကြောင်း သိရသည်။