ရန်ကုန်၊ မေ ၄
ကရင်နီပြည်နယ်၊ ဒီးမောဆိုမြို့နယ်၊ ဒေါငံခါးကျေးရွာတွင် အကြမ်းဖက်စစ်ကောင်စီတပ်နှင့် ကရင်နီပူးပေါင်းတပ်ဖွဲ့များကြား ဧပြီလ ၃၀ ရက်နေ့တွင် တိုက်ပွဲပြင်းထန်ခဲ့ပြီး ပျောက်ဆုံးနေသော ဒီးမောဆို PDF တပ်ရင်း A မှ ရဲဘော် ဇော်ဝင်းထွဋ်ကို ကို ယနေ့ မေလ ၄ ရက် ညနေပိုင်းတွင် ပြင်းထန် ဒဏ်ရာများဖြင့် ပြန်လည်တွေ့ရှိကြောင်း ဒီးမော့ဆို PDF က သတင်းထုတ်ပြန်သည်။
ပျောက်ဆုံးခဲ့သော ရဲဘော် မောင်ဇော်ဝင်းထွဋ်ကို ဒီးမော့ဆို PDF တပ်ရင်းများမှ ၄ ရက်တိတိ လိုက်လံရှာဖွေခဲ့ပြီး ယနေ့ ညနေ ၅ နာရီခန့်တွင် ပြန်လည် တွေ့ရျိခဲ့ခြင်းဖြစ်သညည်။
ရဲဘော်မောင်ဇော်ဝင်းထွဋ်သည် ၄ ရက်တိတိ အစာမစားရကြောင်း ၎င်း၏ သတ္တိ၊ ဇွဲ၊ လုံ့လ၊ ဝိရိယသည် မိမိတို့တပ်ဖွဲ့အနေဖြင့် ဝမ်းမြောက်စွာ ဂုဏ်ပြုအပ်ကြောင်း ရဲဘော်မောင်ဇော်ဝင်းထွဋ် ရရှိထားသည့်ဒဏ်ရာမှာ ပြင်းထန်သည့်အတွက် ဆေးကုသပေးနေကြောင်း ဒီးမော့ဆို PDF က သတင်းထုတ်ပြန်သည်။
ဒီးမော့ဆိုမြို့နယ်၊ ဒီ/ကျေးအုပ်စု၊ ဒေါငံခါးကျေးရွာတွင် ဒီးမောဆို Local PDF တပ်ဖွဲ့ ဗျူဟာ ၃ မှ A ၊B၊ F၊ J တပ်ရင်းတပ်ခွဲအချို့၊ အလယ်ပိုင်းတိုင်း (၁၁၀၂) ပူးပေါင်းတပ်ဖွဲ့များနှင့် စစ်ကောင်စီတပ်ကြား ဧပြီလ ၃၀ ရက်နေ့တွင် တိုက်ပွဲပြင်းထန်ခဲ့ကြောင်း သိရှိရသည်။
