ရန်ကုန်၊ မေ ၁၀
ချင်းတွင်းမြစ် အနောက်ဘက်ကမ်းသပိတ်စစ်ကြောင်းက “အမှောင်ကျနေတဲ့ငါတို့တိုင်းပြည် ညီညွတ်အား နဲ့ထွန်းလင်းကြစို့ “ကြွေးကြော်သံဖြင့် စစ်အာဏာရှင် ဆန့်ကျင်ရေး ယနေ့ ချီတက် သပိတ်မှောက်ကြသည်။ “ကျနော်တို့ရဲ့တိုင်းပြည်ဟာ စစ်ကောင်စီရဲ့မတရား အာဏာသိမ်းမှုကြောင့် အမှောင် ကျရောက်နေတာ တစ်နှစ်ကျော်ခဲ့ပါပြီ။ အရေးတော်ပုံကြီး အမြန်ဆုံးအောင်မြင်ဖို့ဆိုရင်တော့ ပြည်သူအပေါင်းက ညီညီညွတ်ညွတ်နဲ့တော်လှန်ဖို့လိုအပ်ပါတယ်။ သည့်အတွက်ကြောင့် ကျနော်တို့ ချင်းတွင်းမြစ်အနောက်ဘက်ကမ်း သပိတ်စစ်ကြောင်းမှ “အမှောင်ကျနေတဲ့ ငါတို့တိုင်းပြည် ညီညွတ်အားနဲ့ထွန်းလင်းကြစို့” ကြွေးကြော်သံနဲ့ ချီတက် သပိတ်မှောက်တာပါ” ဟု စစ်အာဏာရှင်ဆန့်ကျင်ရေး သပိတ်တွင်ပါဝင်သော ဦးဆောင်သူတစ်ဦးက ပြောဆိုသည်။
