ရန်ကုန်၊ မေ ၁၂
ကရင်နီပြည်နယ်၊ လွိုင်ကော်မြို့နယ်၊ ကယန်းသာယာလမ်းခွဲတွင် တပ်စွဲထားသော အကြမ်းဖက်စစ်ကောင်စီတပ်ဖွဲ့ကို ယနေ့ မေလ ၁၂ ရက် နံနက်တွင် လွိုင်ကော် PDF က စနိုက်ပါဖြင့် သွားရောက်ပစ်ခတ်ရာ စစ်သား ၁ ဦးသေဆုံးကြောင်း လွိုင်ကော် PDF က သတင်းထုတ်ပြန်သည်။
ယနေ့နံနက် ၉ နာရီ ၂၀ မိနစ်တွင် စစ်ကောင်စီတပ်ဖွဲ့ကို ပြောက်ကျားစနစ်ဖြင့် သွားရောက်ပစ်ခတ်ခြင်းဖြစ်ပြီး ၁၅ မိနစ်ခန့် ကြာမြင့်ခဲ့ကြောင်း လွိုင်ကော် PDF များ အထိအခိုက်မရှိ ပြန်လည်ဆုတ်ခွာလာကြောင်း သိရှိရသည်။
ပြည်သူများအနေဖြင့် ပစ်ခတ်မှုဖြစ်ပွားရာ အဆိုပါ ကယန်းသာယာလမ်းခွဲတဝိုက်ကို အထူးသတိပြု ရှောင်ရှားသွားလာကြရန် လွိုင်ကော် PDF က အသိပေးထုတ်ပြန်ထားသည်။
