ရန်ကုန်၊ မေ ၁၈
မကွေးတိုင်း၊ ထီးလင်းမြို့နယ်၊ ဆေးမင်တော နယ်မြေရဲစခန်းမှ ရဲတပ်သား ၁ ဦးသည် ၎င်းကိုင်ဆောင်သည့် သေနတ်နှင့်အတူ ပြည်သူ့ကာကွယ်ရေးတပ်ဖွဲ့-ထီးလင်း ထံသို့ ဆက်သွယ်ကာ အလင်းဝင်လာကြောင်း PDF-Htilin က သတင်းထုတ်ပြန်သည်။
အဆိုပါ ရဲတပ်သားသည် M-13 သေနတ် ၁ လက်၊ ကျည်ဘောက် ၂ ခု၊ ကျည်ဆံ ၆၅ တောင့်နှင့်အတူ CDM ပြုလုပ်ခဲ့ခြင်းဖြစ်သည်။
အဆိုပါရဲတပ်သားက CDM ပြုလုန်ရန် ဆက်သွယ်လာစဉ် PDF-Htilin၊ ပ.က.ဖ အဖွဲ့ဝင်များက ၎င်း၏ မိသားစုများကို သွားရောက်ခေါ်ဆောင်ခဲ့ပြီး အန္တရာယ်ကင်းသည့်နေရာတွင် ပို့ဆောင်ထားကြောင်း၊ လက်နက်နှင့် အလင်းဝင်လာသည့် တပ်သားကို ဆုငွေ သိန်း ၅၀ ကျပ် ချီးမြှင့်ခဲ့ကြောင်း PDF-Htilin က သတင်းထုတ်ပြန်သည်။
