By ရန်ကုန်ခေတ်သစ်
ဒီကနေ့ ဇွန် ၆ ရက် ညနေပိုင်း ရရှိထားတဲ့သတင်းတွေကတော့
-မြန်မာ့ဒီမိုကရေစီအရေး လှုပ်ရှားသူ အတိုက်အခံ ခေါင်းဆောင်တွေကို ကွပ်မျက်ဖို့ စစ်အာဏာရှင်ရဲ့ ဆုံးဖြတ် မှုကို အမေရိကန် ပြည်ထောင်စုက ပြင်းပြင်းထန်ထန် ရှုတ်ချကြောင်း အမေရိကန်နိုင်ငံခြားရေး ဝန်ကြီးဌာန ပြောခွင့်ရပုဂ္ဂိုလ် နက်ဒ်ပရိုက်စ်ရဲ့ ပြောဆိုချက်ကို ရန်ကုန်မှာရှိတဲ့ အမေရိကန်သံရုံးကနေ ထုတ်ပြန်ထားပါတယ်။
– စစ်ကိုင်းတိုင်း၊ ဆားလင်းကြီး မြို့မရဲစခန်း နဲ့ စစ်ကောင်စီတပ်ဖွဲ့ဝင်တွေ တပ်စွဲထားတဲ့ နေရာတွေကို ဒေသ ကာကွယ်ရေး မဟာမိတ်တပ်ဖွဲ့တွေက ဇွန်လ ၅ ရက်နေ့ ညပိုင်းမှာ တိုက်ခိုက်ခဲ့ပြီး စစ်ကောင်စီ ဘက်က ဗိုလ်လေး အဆင့် ၂ ဦး အပါအဝင် ၅ ဦး ဒဏ်ရာရသွားတယ်လို့ ဆားလင်းကြီး PDF က သတင်းထုတ် ပြန်ထားပါတယ်။
-မန္တလေးတိုင်း၊ နွားထိုးကြီးမြို့နယ် နဲ့ မြင်းခြံမြို့နယ်မှာ အကြမ်းဖက်စစ်ကောင်စီတပ်ဖွဲ့ဝင်တွေကို နွားထိုး ကြီး PDF က ဇွန်လ ၅ ရက်နေ့ ညပိုင်းနဲ့ ဒီကနေ့ ဇွန်လ ၆ ရက်နေ့ မနက်ပိုင်းတွေမှာ ၃ ကြိမ် ဝင်ရောက် ပစ်ခတ်ခဲ့တယ်လို့ သိရပါတယ်။
– စစ်ကိုင်းတိုင်း၊ ယင်းမာပင်မြို့နယ် ၊ ဘန့်ဘွေးရွာကို အကြမ်းဖက် စစ်ကောင်စီတပ်က ဒီကနေ့ ဇွန်လ ၆ ရက်နေ့ မနက်ပိုင်းမှာ မီးရှို့ ဖျက်ဆီးနေတဲ့သတင်းအပါအဝင် နောက်ဆုံးရသတင်းတွေကို တင်ဆက်ပေး ပါမယ်။
