ရေစကြိုတွင် စစ်ကောင်စီတပ်နှင့် ဒေသကာကွယ်ရေးတပ်ဖွဲ့များကြား တိုက်ပွဲဖြစ်ပွားပြီး စစ်သား ၅ ဦးထက်မနည်း ထိခိုက်သေဆုံးနိုင်

ရန်ကုန်၊ ဇွန် ၉

မကွေးတိုင်း၊ ရေစကြိုမြို့နယ်၊ ဇရပ်နီကျေးရွာနှင့် မင်းလှကျေးရွာကြားတွင် အကြမ်းဖက်စစ်ကောင်စီတပ်ဖွဲ့နှင့် ဒေသကာကွယ်ရေးပူးပေါင်းတပ်ဖွဲ့ကြား ယနေ့ ဇွန်လ ၉ ရက် နံနက် ၆ နာရီ ၃၃ မိနစ်တွင် တိုက်ပွဲဖြစ်ပွားပြီး စစ်သား ၅ ဦးထက်မနည်း ထိခိုက်သေဆုံးနိုင်ကြောင်း PDF တောင်သာ က သတင်းထုတ်ပြန်သည်။

အင်အား ၈၀ ကျော်ရှိသော စစ်ကောင်စီတပ်ဖွဲ့နှင့် PDFတောင်သာ၊ MGN 35 မြင်းခြံပြောက်ကျားပူးပေါင်းတပ်ဖွဲ့ကြား မိနစ် ၂၀ ခန့် တိုက်ပွဲဖြစ်ပွားခဲ့ခြင်းဖြစ်သည်။

ဒေသကာကွယ်ရေးတပ်ဖွဲ့များက စစ်ကောင်စီတပ်ဖွဲ့ကို မီတာ ၁၆၀ ဝန်းကျင်အတွင်း သတ်ကွင်းထားကာ အမိအရပစ်ခတ်ခဲ့ခြင်းကြောင့် စစ်ကောင်စီတပ်ဖွဲ့ဝင် ၅ ဦးထက်မနည်း ထိခိုက်သေဆုံးနိုင်ကြောင်း PDF တောင်သာက ဆိုသည်။