ရန်ကုန်၊ ဇွန် ၁၀
မင်းအောင်လှိုင် ဦးဆောင်သော အကြမ်းဖက် စစ်တပ်က ၂၀၂၁ ခုနှစ် ဖေဖော် ဝါရီလ ၁ ရက်နေ့တွင် စစ်အာဏာသိမ်းပြီးနောက် မြန်မာ့စီးပွားရေးအခြေအနေမှာ ခန့်မှန်း၍ မရသည်အထိ မသေချာ မရေရာတော့ကြောင်း ကမ္ဘာ့ဘဏ်၏ ကမ္ဘာလုံးဆိုင်ရာ စီးပွားရေး သုံးသပ်မှု အစီရင်ခံစာတွင် ဖော်ပြလိုက်သည်။
စစ်အာဏာသိမ်းမှုကြောင့် ယမန်နှစ်တွင် မြန်မာ့စီးပွားရေး အနုတ် ၁၈ ရာခိုင် နှုန်းထိုးကျသွားပြီးနောက် ယခု ၂၀၂၂ ခုနှစ်၊ လာမည့် ၂၀၂၃ ခုနှစ်နှင့် ၂၀၂၄ ခုနှစ်တွင် ဖြစ်ပေါ်လာမည့် မြန်မာစီးပွားရေး အခြေအနေမှာလည်း မသေချာမရေရာမှုများကြောင့် ကမ္ဘာ့ဘဏ်၏ အစီရင်ခံစာတွင် မခန့်မှန်းနိုင်တော့ဘဲ ဖယ်ထုတ်ထားရကြောင်း ကမ္ဘာ့ဘဏ်၏ထုတ်ပြန်ချက်အရ သိရှိရသည်။
မြန်မာနိုင်ငံမှ အပ အရှေ့တောင်အာရှနိုင်ငံများနှင့် အရှေ့အာရှ နိုင်ငံအများစုမှာ ယခု ၂၀၂၂ ခုနှစ်မှစတင်ပြီး ၂၀၂၄ ခုနှစ်အထိ စီးပွားရေးအရ ပုံမှန်ဖွံ့ဖြိုးတိုး တက်မည်ဟု ကမ္ဘာ့ဘဏ်က ခန့်မှန်းထားသည်။
ဓာတ်ပုံ- မြန်မာနိုင်ငံကို ဖယ်ထုတ်ထားသော ကမ္ဘာ့ဘဏ်၏ စီးပွားရေးသုံးသပ်မှု အစီရင်ခံစာ ဇယား။
