By ရန်ကုန်ခေတ်သစ်
ဒီကနေ့ ဇွန် ၁၆ ရက် မနက်ပိုင်း ရရှိထားတဲ့သတင်းတွေကတော့
-အာဏာသိမ်းအကြမ်းဖက်စစ်အုပ်စုက ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော် တို့ကို သေဒဏ်စီရင်ချက်အတည်ပြုမှုအပေါ် အထွေထွေသပိတ် ပေါင်းစပ်ညှိနှိုင်းရေးအင်အားစု (GSCB) အနေနဲ့ ပြင်းပြင်းထန်ထန် ကန့်ကွက်ရှုတ်ချတယ်လို့ ဇွန်လ ၁၅ရက်နေ့ ညပိုင်းမှာ ထုတ်ပြန်ပါတယ်။
-စစ်ကိုင်းတိုင်း၊ ချောင်းဦးမြို့နယ်မှာ ချောင်းဦးမြို့နယ် ပကဖရဲ့ ဦးဆောင်မှုနဲ့ CHUPDF က စစ်ကောင်စီတပ်နဲ့ ပျူစောထီးတွေကို ဇွန်လ ၁၄ ရက်နေ့မှာ တိုက်ခိုက်ခဲ့ရာ ပျူစောထီး ၆ ဦးသေဆုံးပြီး စစ်ယူနီဖောင်း၊ ကျည်တွေသိမ်းဆည်းရမိတယ်လို့ ချောင်းဦးမြို့နယ်ပြည်သူ့ကာကွယ်ရေးတပ်ဖွဲ့ (CHUPDF) က သတင်း ထုတ်ပြန်ပါတယ်။
– စစ်ကိုင်းတိုင်း ဘုတလင်မြို့နယ် ကူတော်ရဲစခန်းကို ဒေသခံကာကွယ်ရေးတပ်ဖွဲ့တွေက ဇွန်လ ၁၅ ရက်နေ့ မွန်းလွဲပိုင်းမှာ ဒုတိယအကြိမ် ဝင်ရောက်တိုက်ခိုက်ခဲ့ပြီး စစ်သား ၇ ဦးသေဆုံးခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
