By ရန်ကုန်ခေတ်သစ်
ဒီကနေ့ ဇွန် ၁၆ ရက် နေ့လယ်ပိုင်း ရရှိထားတဲ့သတင်းတွေကတော့
-ရန်ကုန်တိုင်း၊ မြောက်ဒဂုံ၊ ၃၇ ရပ်ကွက်မှာ မြန်မာ Idol အဆိုတော်ဇင်ကြီးနဲ အတူ ပစ်ခတ်ခံရပြီး သေဆုံးခဲ့တဲ့ Beauty Sloon က မပပဝင်း ဟာ စစ်တပ်သတင်းပေး မဟုတ်ကြောင်း သားဖြစ်သူက ပြောဆိုလိုက်ပြီး ကာကွယ်ရေးဝန်ကြီးဌာန က လိုအပ်တဲ့ စုံစမ်းစစ်ဆေးမှုတွေ လုပ်ဆောင်မယ်လို့ ကာကွယ်ရေးဝန်ကြီးဌာန အတွင်းဝန် ဦးနိုင်ထူးအောင် ကပြောပါတယ်။
– ပဲခူးတိုင်း၊ ထန်းတပင်မြို့နယ်မှာ စစ်ကြောင်းထိုးနေတဲ့ အကြမ်းဖက် စစ်ကောင်စီတပ်က ဂွအိုင် ကျေးရွာအနီးမှာ ကိုမင်း ဆိုသူကို ပစ်သတ်လိုက်ပြီး ကိုယ်ဝန် ဆောင် ဇနီးသည် နဲ့ သား၁ ဦး ကျန်ရစ်ခဲ့တယ်လို့ ဒေသခံတွေက ရန်ကုန် ခေတ်သစ်ကိုပြောပါတယ်။
– ကယားပြည်နယ် ၊ ဖရူဆိုမြို့နယ် ၊ ဒေါညေး-ခူရွာမှာရှိတဲ့ ခရစ်ယာန် ဘုရားကျောင်း နဲ့ ပြည်သူပိုင် နေအိမ်တွေကို အကြမ်းဖက် စစ်ကောင်စီတပ်က ဇွန်လ ၁၅ ရက်နေ့ ညနေ ၃ နာရီလောက်မှာ အကြောင်းမဲ့ မီးရှို့ဖျက်ဆီးခဲ့တဲ့သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
