ရန်ကုန်၊ ဇွန် ၁၆
တနင်္သာရီတိုင်း၊ လောင်းလုံးမြို့နယ်အတွင်းရှိ ကျေးရွာ ၂ ရွာမှ ပြည်သူ ၃ ဦးကို အကြမ်းဖက်စစ်ကောင်စီက ဇွန်လ ၁၆ ရက် ညပိုင်းတွင် ပစ်သတ်ခဲ့ပြီး၊ ၁ ဦး ဒဏ်ရာရကာ အခြား ၁ ဦးမှာ သေနတ်သံများကြောင့် နှလုံးရပ်သေဆုံးသွားကြောင်း၊ နေအိမ် ၇ လုံး မီးရှို့ဖျက်ဆီးခံရကြောင်း လောင်းလုံးမြု့နယ်လုံးဆိုင်ရာ အကသ သပိတ်ကော်မတီထံမှ သိရှိရသည်။
ယမန်နေ့ ဇွန်လ ၁၆ ရက် ည ၁၀ နာရီခန့်တွင် ဝေဒီကျေးရွာအတွင်းသို့ အကြမ်းဖက်စစ်တပ်က သေနတ် ပစ်ခတ် ဝင်ရောက်ပြီး အသက် ၃၂ နှစ်အရွယ် မနွယ်နီဌေးကို ဖမ်းဆီးခေါ်ဆောင်ကာ လမ်းခုလတ်တွင် ပစ်ခတ်ခဲ့ပြီး နေအိမ် ၁ လုံးကို မီးရှို့ဖျက်ဆီးသွားကြောင်း သိရှိရသည်။
ည ၁၂ နာရီခွဲခန့်တွင် ဂေါ့အင်းကျေးရွာရှိ နေအိမ် ၆ လုံးကို သေနတ်ပစ်ခတ် အကြမ်းဖက်ဝင်ရောက်ကာ မီးရှို့ဖျက်ဆီးပြီး ၄၁ နှစ်အရွယ် မအေမီဖြိုးဝေကို ပစ်သတ်ခဲ့ကြောင်း သေနတ်ပစ်သံများကြောင့် အခြားအမျိုးသမီး ၁ ဦးမှာ နှလုံးရပ်ကာ သေဆုံးသွားသည်ဟု လောင်းလုံး အကသ သပိတ်ကော်မတီက ဆိုသည်။
အလားတူ ယနေ့ နံနက်အစောပိုင်း ၁ နာရီခွဲခန့်တွင် ဂေါ့အင်းကျေးရွာ၊ ကြယ်တောင်အနီးရှိ အသက် ၂၀ အရွယ် အမျိုးသား ၂ ဦးကို ပစ်ခတ်ရာ ကိုဇော်လတ် ဆိုသူ အမျိုးသားမှာ သေဆုံးခဲ့ပြီး အခြား ၁ ဦးကို အချိန်မီ ဆေးရုံတင်ပို့နိုင်ခဲ့ကြောင်း သိရှိရသည်။
ဖြစ်စဉ်(၃) ဇွန်လ ၁၇ ရက်၊ နံနက် ၁နာရ်ီခွဲခန့်တွင် လောင်းလုံးမြို့နယ်၊ ဂေါ့အင်းကျေးရွာ၊ ကြယ်တောင်အနီး အသက် (၂၀)ခန့်ရှိ လမ်းသွားလမ်းလာ အမျိုးသားနှစ်ဦးကို ထပ်မံ ပစ်ခတ်ခဲ့သဖြင့် ကြိဇော်လတ်ဆိုသူတဦးသေဆုံးပြီး အခြားတဦးဖြစ်တဲ့ ကိုနေလင်းကို ကိုတော့ အချိန်မှီဆေးရုံတင်ပို့နိုင်ခဲ့သည်ဟု လောင်းလုံးမြို့နယ်လုံးဆိုင်ရာ အကသ သပိတ်ကော်မတီက ထုတ်ပြန်ထားသည်။
ဓါတ်ပုံ – အကြမ်းဖက်စစ်တပ်က မီးရှို့ဖျက်ဆီးလိုက်သော နေအိမ် ၁ လုံး
