ရန်ကုန်၊ ဇွန် ၁၉
ဩစတြေးလျနိုင်ငံ၊ မဲလ်ဘုန်းတွင် ဒေါ်အောင်ဆန်းစုကြည် မွေးနေ့ပွဲ နှင့် ဖမ်း ဆီး ခံ နိုင်ငံရေးအကျဉ်းသားများလွတ်မြောက်ရေး ယနေ့ဇွန်လ ၁၉ ရက်နေ့ တွင် တောင်းဆိုလှုပ်ရှား ကြသည်။
လူထုခေါင်းဆောင်ဒေါ်အောင်ဆန်းစုကြည်၏ မွေးနေ့တွင် မဲလ်ဘုန်း မြန်မာ မိသားစု များစုပေါင်းပြီးမွေးနေ့အထိမ်းအမှတ်ဘာသာပေါင်းစုံဆုတောင်းပွဲနှင့် ဖမ်းဆီးခံထားရသည့် နိုင်ငံရေးအကျဉ်းသားများလွတ်မြောက်ရေး၊သေဒဏ် ပယ် ဖျက်ပေးရေးလှုပ်ရှားမှုကိုကျင်းပခဲ့သည်။
အခမ်းအနားကို CRPH/NUG Support Group Australia, Vic က ဦးဆောင် ကျင်းပခဲ့ပြီး မဲလ်ဘုန်းရှိမြန်မာလူမှုအသိုင်းအဝိုင်း၊တိုင်းရင်းသားညီနောင်များနှင့် ဘာသာပေါင်းစုံမှဆုတောင်းပေးမည့်ဘာသာရေးခေါင်းဆောင်များ၊ ဗစ်တိုး ရီး ယား ပြည်နယ်လွှတ်တော်အမတ် Hon Meng Hong Tat နှင့် Australia Myanmar Institute ဥက္ကဌ သံအမတ်ကြီးဟောင်း Mr. Christopher Lamb တို့က အမှတ်တရ အမှာစကားပြောကြားကြသည်။
