ရန်ကုန်၊ ဇွန် ၂၀
အမေရိကန်၊ ပြည်ထောင်စု၊ နယူးယောက်တွင် NYCBC (New York City Burmese Community) နှင့် H2B (Helping Hands for Burma) အဖွဲ့တို့က လူထုခေါင်းဆောင် ဒေါ်အောင်ဆန်းစုကြည်၏ (၇၇) နှစ်မြောက် မွေးနေ့ အထိမ်း အမှတ်ပွဲကို ဇွန်လ(၁၉)ရက် နေ့ (မြန်မာစံတော်ချိန် ဇွန် ၂၀ ရက်နေ့) နယူး ယောက်ရှိ Flatiron Public Plaza တွင် မွန်းလွဲ ၃ နာရီ ၃၀ မိနစ်မှ ညနေ ၅ နာရီ ၃၀ မိနစ်အထိ ကျင်းပပြုလုပ်သည်။
မြန်မာပြည်တွင်စစ်အကြမ်းဖက်အဖွဲ့အစည်း၏ မတရားချုပ်နှောင် ဖမ်းဆီး ခံထား ရသော ခေါင်းဆောင်ဒေါ်အောင်ဆန်းစုကြည်နှင့်တကွ ပြည်သူများ အား လုံး အမြန်ဆုံးလွတ်မြောက်ရေးကို နိုင်ငံတကာက အလေးအနက်ကူညီရန် ကိုလည်း တောင်းဆိုသည့်ပွဲဖြစ်သည်။
ဒေါ်အောင်ဆန်းစုကြည်၏ ၇၇ နှစ်မြောက် မွေးနေ့တွင် ဘာသာကြီးလေးခုက ဆုတောင်းမေတ္တာပို့သခြင်းအစီအစဉ်ပါဝင်သည်။
အထူးဧည့်သည်တော်များ ဖြစ်သည့် သံအမတ်ကြီးဦးကျော်မိုးထွန်း၊ ကဗျာ ဆရာ မောင်စွမ်းရည်၊ မပန်ဆယ်လို တို့က ဆုတောင်းစကားပြောဆိုကြသည်။
အဆိုတော်လင်းနစ်၊ အဆိုတော်ကျော်သီဟ တို့က အမေသီချင်းဖြင့် သီဆို ဆုမွန်ကောင်းတောင်းကြသည်။
အမေရိကန်နိုင်ငံ နယူးယောက်မြို့နေ မြန်မာနွယ်ဖွား တိုင်းရင်းသား ၁၀၀၀ နီး ပါး တက်ရောက်ပြီး စုပေါင်းဆုမွန်တောင်းဆိုခဲ့ပြီး ဆုတောင်းပွဲ တက်ရောက် သူများအတွက် စေတနာရှင်များက အစားအသောက်များ လာရောက် ကျွေးမွေး ကြသည်။
