ရန်ကုန်၊ ဇွန် ၂၀
လူထုခေါင်းဆောင် အမေဒေါ်အောင်ဆန်းစုကြည်၏ (၇၇)နှစ်မြောက်မွေးနေ့ အထိမ်းအမှတ်ပွဲကို ဆွီဒင်နိုင်ငံ စတော့ဟုမ်းမြို့တွင် ဆွမ်းကပ် ကျင်းပပြုလုပ် သည်။
ထိုသို့ကျင်းပရာတွင် ဆရာတော်သံဃာတော်က
မေတ္တာသုတ်တရားတော်များရွတ်ဖတ်ခြင်း ၊ SMSC အဖွဲ့သားများက အာရုံဆွမ်း ၊ နေ့ဆွမ်းများ ကပ်လှူကြခြင်း မွေးနေ့ပွဲသို့ ကြွရောက်လာကြသော ဧည့်သည်တော်များအား ဧည့်ခံကျွေးမွေးခြင်း ၊ ကိုယ်တိုင်ပြုလုပ်ကြသော မွေးနေ့ကိတ်ခွဲခြင်းများ ပြုလုပ်သည်။
မြန်မာနိုင်ငံတွင် အမေစုအပါအဝင် မတရားဖမ်းဆီးခံထားရသူများ အားလုံးကို ပြန်လွှတ်ပေးရန်အတွက် ဆွီဒင်နိုင်ငံရောက်မြန်မာမိသားစုများမှ ဆုတောင်းမေတ္တာပို့သခြင်းများ ပြုလုပ်ကြသည်။
