ရန်ကုန်၊ ဇွန် ၂၁
မကွေးတိုင်း၊ ချောက်မြို့ မြန်မာ့စီးပွားရေးဘဏ်တွင် လုံခြုံရေးယူနေသော စစ် ကောင်စီတပ်ဖွဲ့ဝင် ရဲနှင့်စစ်သားများ ဇွန်လ ၁၂ ရက်နေ့တွင် ပစ်ခတ်ခံရပြီး နောက် Non CDM ဝန်ထမ်းများအားလုံး ချောက်မြို့နယ်တွင် ကင်းစောင့်ခိုင်း ကြောင်း ဝန်ထမ်းများထံမှ သိရှိရသည်။
ဇွန်လ ၁၂ ရက်နေ့တွင် ချောက်မြို့နယ် PDF က မြန်မာ့စီးပွားရေးဘဏ် လုံခြုံ ရေး အစောင့် စစ်တပ်နှင့်ရဲကို ပစ်ခတ်ခဲ့ခြင်းဖြစ်ပြီး ပစ်ခတ်မှုဖြစ်ပွားပြီးနောက် ယင်းကဲ့ သို့ ဝန်ကြီးဌာန ဝန်ထမ်းများကိုပါ လုံခြုံရေး ကင်းစောင့်ခိုင်း ခြင်းဖြစ် ကြောင်း သိရှိရသည်။
“ပစ်ခတ်ခံရတဲ့ စစ်ကောင်စီတပ်ဖွဲ့ဝင် ၁ ဦး ဒဏ်ရာရတယ်။ သေတော့ မသေ ဘူး။ အခု ချောက်မှာ ဝန်ကြီးဌာန ဝန်ထမ်းတွေ စစ်ကားနဲ့ ကင်းလှည့်ရင် လိုက်ရ တယ်။ အလှည့်ကျ ကင်းလှည့်ရတယ်။ တံတားဂိတ်စောင့်ခိုင်းတယ်။ မီတာရုံး ကင်းစောင့်ခိုင်းတယ်။ စစ်တပ်၊ ရဲနဲ့ တွဲဖက်ပြီး စောင့်ရတာ ။ အမျိုး သမီး တွေတော့ မပါဘူး။ အမျိုးသားတွေ အဓိက စောင့်ခိုင်းတာ။ အမျိုးသမီး တွေက တော့ ရုံးအဝင်အထွက် လူစစ်ရုံလောက်ပဲ” ဟု ချောက်ဝန်ထမ်း အသိုင်း အ၀ိုင်း သတင်းရင်းမြစ်က ပြောသည်။
ချောက်မြို့နယ်တွင် အခြားမကွေးတိုင်းမှ မြို့နယ်များနည်းတူ PDF များ ဝင်ရောက်လာနိုင်သည်ဆိုသော စိုးရိမ်ချက်များဖြင့် ရဲစခန်း၊ စစ်တပ်နှင့် ထွေ/အုပ် ရုံးများတွင် လုံခြုံရေးအတွက် အကြီးအကျယ် ပြင်ဆင် နေရာချ ထားမှုများ လုပ်ဆောင်နေကြောင်း သိရှိရသည်။
ဓာတ်ပုံ- မကွေးတိုင်းစစ်ကောင်စီ အဖွဲ့ဝင် ဗိုလ်မှူးကြီးမင်းဦး ယမန်နှစ် ချောက် မြို့သို့ ရောက်ရှိပြီး လုံခြုံရေး အသင့်ရှိကြရန် လိုက်လံ စစ်ဆေးသည့် မြင်ကွင်း။
