ရန်ကုန်၊ ဇွန် ၂၆
ရန်ကုန်တွင် ဒဂုံတက္ကသိုလ် ကျောင်းသားများ သမဂ္ဂအဖွဲ့ဝင်များ ဦးဆောင်ကာ ယနေ့ ဇွန်လ ၂၆ ရက်နေ့တွင် စစ်အာဏာကြိုးစင်အား မီးရှို့ပြခြင်းဖြင့် ဆလိုင်းတင်မောင်ဦး ကျဆုံးခြင်း (၄၆) နှစ်မြောက်နေ့တွင် မကြောက်တရားအား ပြသခြင်းဖြစ်ကြောင်း သိရသည်။
အာဏာရှင်အဆက်ဆက်သည် ဖိနှိပ်ရေးယန္တရားအဖြစ် ကြိုးစင်အား အစဥ်အဆက်အသုံးပြုခဲ့ကြသည်။ သို့သော် တော်လှန်သော၊ လွတ်လပ်ခွင့်အတွက် တိုက်ပွဲဝင်သော မျိုးဆက်တိုင်းက ကြိုးစင်ကို မကြောက်ခဲ့ကြ။ မတုန်လှုပ်ခဲ့ကြ။ ဆလိုင်းတင်မောင်ဉီး၏ ကြိုးစင်ထက်က ကြွေးကြော်သံသည် မကြောက်တရားပင်ဖြစ်ပြီး လက်ရှိစစ်အာဏာရှင်များကလည်း ကြိုးစင်အားသုံး၍ အကြောက်တရားဖြင့်ဖိနှိပ်ရန် ကြိုးပမ်းလျှက်ရှိသည်။ သို့သော် ကျောင်းသား၊ ပြည်သူများသည် မကြောက်တရားဖြင့် ဆက်လက် တိုက်ပွဲဝင် လျက်သာရှိသည်ဟု ဒဂုံတက္ကသိုလ်ကျောင်းသားများသမဂ္ဂမှ ထုတ်ပြန်ထားသည်။
