ရန်ကုန်၊ ဇွန် ၂၇
မွန်ပြည်နယ်၊ ရေးမြို့နယ် ၊ အစင်ကျေးရွာထိပ် တံတားတွင် ငွေကြေးတောင်းခံ နေသော စစ်ကောင်စီလက်အောက်ခံ ပျူစောထီးနှင့် ပြည်သူ့စစ် ၅ ဦး ယနေ့ နံနက်ပိုင်းတွင် ပစ်ခတ် ခံရပြီး သေဆုံးသွားကာ လက်နက် ၃ လက် ပါသွား ကြောင်း ဒေသခံများထံမှ သိရှိရသည်။
“ရေးမြို့နယ်အစင်ရွာထိပ်တံတားစောင့်နေတဲ့ငါးယောက် ခုမနက်ကြွသွားပြီ။ လက်နက်တွေပါသိမ်းသွားတယ်။ ဆိုင်ကယ်သုံးစီးနဲ့လာပစ်တာ။ ၂နာရီလောက်ကြာမှ ခွေးသေအလောင်းတွေ လာကောက်တယ်။ ပြည်သူ့စစ်ဆိုပြီး စစ်ခွေးအဝတ်တွေဝတ်လာသမျှ ဆိုင်ကယ်နဲ့ကားတွေ ကိုပိုက်ဆံ တောင်း နေ တဲ့ ၅ယောက်ပါ။ လေးယောက်က ချက်ချင်းသေတာ။ တစ်ဦးက ဆေးရုံ မှာ သေတာ။ လက်နက်တွေသိမ်းသွားတယ်” ဟု ဒေသခံတစ်ဦးက ပြောဆိုသည်။
လက်ရှိတွင် အစင်ကျေးရွာထိပ်တံတားတွင် စစ်ကောင်စီတပ်ဖွဲ့ဝင် ၄ ဦး ထပ်မံ စောင့်ကြပ်နေကြောင်း၊ ရေးမြို့ထဲတွင်လည်း စစ်ကားများ လှည့်လည် နေ ကြောင်း၊ လက်ရှိတွင် ပစ်ခတ်သွားသော အဖွဲ့ကို မသိရှိရသေးကြောင်း သိရှိရ သည်။
ဓာတ်ပုံ- ပစ်ခတ်မှုဖြစ်ပွားပြီး ပြည်သူ့စစ်ပျူစောထီး ၅ ဦးသေဆုံးသည့် ရေးမြို့နယ်၊ အစင်ကျေးရွာ။
