ရန်ကုန်၊ ဇွန် ၂၇
ရန်ကုန်တိုင်း၊ အရှေ့ဒဂုံမြို့နယ်၊ တောင်ဥက္ကာလာပနှင့် မရမ်းကုန်းမြို့နယ် တရား ရုံး များကို ယနေ့ညပိုင်းတွင် လက်ပစ်ဗုံးဖြင့် ပစ်ခတ်တိုက်ခိုက်မှု ဖြစ် ပွားပြီး မှော်ဘီတွင်ပစ်ခတ်သံများကြားရကြောင်း ရန်ကုန်မြို့ခံ များက ရန်ကုန် ခေတ်သစ်သတင်းဌာနထံ ပြောဆိုကြသည်။
ဇွန်လ ၂၇ ရက်နေ့ ည ၇ နာရီ ၃၀ မိနစ်အချိန် ရန်ကုန်တိုင်း၊ တောင်ဥက္ကလာပ မြို့နယ်၊ သစ္စာလမ်းမကြီးပေါ်ရှိ တောင်ဥက္ကလာရဲစခန်းနောက်ကျော တောင် ဥက္က လာပ မြို့နယ်တရားရုံးကို လက်ပစ်ဗုံးဖြင့် ပစ်ခတ်တိုက်ခိုက်ခဲ့ကြောင်း၊ လက်ပစ်ဗုံးဖြင့် ပစ်ခတ်တိုက်ခိုက်သော တောင်ဥက္ကလာပ တရားရုံးအနီးတွင် တောင်ဥက္က လာပ ထွေ/အုပ်ရုံးရှိနေပြီး ယင်းထွေ/အုပ်ရုံးတွင် စစ်ကောင်စီတပ် များ တပ်စွဲထားကြောင်း သိရှိရသည်။
အလားတူ ယနေ့ည ၈ နာရီတွင် ရန်ကုန်တိုင်း၊ မရမ်းကုန်းမြို့နယ်၊ ပြည်လမ်း ပေါ်ရှိ မရမ်းကုန်း တရားရုံးကို လက်ပစ်ဗုံးဖြင့် ပစ်ခတ်တိုက်ခိုက်မှုဖြစ် ပွား ကြောင်း သိရှိရသည်။
ထို့ပြင် ယနေ့ည ၉ နာရီ ၃၅ မိနစ်ဝန်းကျင် အရှေ့ဒဂုံမြို့နယ်၊ ၁၃၃ ရဲစခန်းနှင့် မြို့နယ်တရားရုံးအနီး ဗုံးပေါက်ကွဲသံ ကြားရကြောင်း၊ အရှေ့ဒဂုံတရားရုံးကို ဗုံး ဖြင့် ပစ်ပေါက်သည်ဟု ကြားသိရသော်လည်း အသေးစိတ် အခြေအနေ မသိ ရှိရသေးကြောင်း ဒေသခံတစ်ဦးက ဆိုသည်။
အလားတူ ရန်ကုန်တိုင်း၊ မှော်ဘီမြို့နယ်၊ မြောက်ချောက်ကုန်း ကျေးရွာ အနီး တွင် ပစ်ခတ်သံများကြားရကြောင်း ၊ Mytel တာဝါတိုင်စောင့် စစ်သား များက ရမ်းသမ်းပစ်ခတ်မှုဖြစ်နိုင်ကြောင်း ဒေသခံများက ဆိုကြသည်။
“ခုည သေနတ်သံတွေအရမ်းကြားနေရတယ်။ မြောင်းတကာအလွန်က တာဝါ တိုင် စောင့် စခတွေ ရမ်းသမ်းပစ်နေတာ ထင်တယ်” ဟု ဒေသခံတစ်ဦးက ပြော ဆို သည်။
