ရန်ကုန်၊ ဇူလိုင် ၃
မကွေးတိုင်း ပေါက်မြို့နယ် သရက်ကန်ရွာကို အကြမ်းဖက် စစ်တပ်က ဇူလိုင်လ ၃ ရက်နေ့ နံနက် ၁၀ နာရီခန့်တွင် ဝင်ရောက်စီးနင်းပြီး မီးတင်ရှို့နေကာ ရွာလုံးကျွတ် ထွက်ပြေး တိမ်းရှောင် နေရကြောင်း We love Myaing အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
လက်ရှိချိန်တွင် ကျေးရွာအတွင်းရှိ ပျက်ဆီးဆုံးရှုံးမှုများနှင့် ဒေသခံ ပြည်သူများ ထိခိုက်ဒဏ်ရာရမှု ရှိမရှိကို မသိရှိရသေးဘဲ ကျေးရွာနေ ပြည်သူအားလုံး ထွက်ပြေးတိမ်းရှောင်နေရပြီး အကြမ်းဖက် စစ်တပ်က နေအိမ်များ မီးရှို့ဖျက်ဆီးနေသည်ကို အဝေးကသာ လှမ်းကြည့်နေရကြောင်း သိရသည်။
” ဒီနေ့ နံနက် ၁၀ နာရီလောက်က မြိုင်မြို့နယ်နဲ့ ပေါက်မြို့နယ် အစပ်မှာရှိတဲ့ သရက်ကန်ရွာကို အကြမ်းဖက် စစ်ကောင်စီက မီးတင်ရှို့နေတယ်။ ရွာထဲအခြေအနေနဲ့ ဖြစ်စဥ် အသေးစိတ်တော့ မသိရသေးဘူး” ဟု We love Myaing အဖွဲ့မှ တာဝန်ရှိသူ တစ်ဦးကပြောဆိုသည်။
Photo – အကြမ်းဖက် စစ်တပ် မီးရှို့ဖျက်ဆီးနေသော သရက်ကန်ရွာကို အဝေးမှ မြင်ရစဥ်
