ရန်ကုန်၊ ဇူလိုင် ၅
ရန်ကုန်တိုင်း၊ မှော်ဘီလေတပ်စခန်းတွင်ယနေ့ စစ်သားများကို လေယာဉ်ပေါ်မှ ချထားပေးသည့် လေထီးခုန် လေ့ကျင်မှုများကို လုပ်ဆောင်ကြောင်း ဒေသခံများက ရန်ကုန်ခေတ်သစ်သတင်းဌာနထံ ပြောဆိုကြသည်။
ယနေ့ နံနက် ၈ နာရီ မှော်ညီလေတပ်ဝင်းအတွင်း လေထီးခုန် လေ့ကျင်မှုများ လုပ်ဆောင်ခြင်းဖြစ်ကြောင်း သိရှိရသည်။
“လေထီးခုန်လေ့ကျင့်နေကြတာ။ မှော်ဘီလေတပ်မှာ လေထီးခုန်လေ့ကျင့်နေတာပါ။ တစ်ခေါက်ကို ငါးယောက်ဆင်းပြီး စုစုပေါင်း နှစ်ဆယ့်ခြောက်ယောက် ။ တစ်ယောက်က အရင်ဆုံး တစ်ယောက်တည်းခုန်တာ” ဟု တပ်နှင့်နီးစပ်မှုရှိသော ဒေသခံတစ်ဦးက ပြောသည်။
အလားတူ မန္တလေး၊ မိတ္တီလာလေတပ်တွင် တိုက် လေယာဉ် အမောင်းသင်မှုများ အရှိန်မြှင့်လုပ်ဆောင် နေသည်ဟု ဒေသခံများက ပြောဆိုကြသည်။
“မိတ္တီလာမှာ ဒီနေ့ရော ၊ အရင်ရက်တွေကရော တိုက် လေယာဉ်တွေ ခဏခဏ အတက်အဆင်းလုပ်တယ်။ အမောင်းသင်တာ။ အဲဒီလို အမောင်းသင်တာက အကြိမ်ရေ နေ့စဉ် အတော်များတယ်” ဟု ဒေသခံတစ်ဦးက ဆိုသည်။

