ရန်ကုန်| ဇူလိုင် ၆
ကရင်နီတိုက်ပွဲမှာ သေဆုံးသွားသော စစ်တပ် ဒုဗိုလ်မှူးကြီးရာထူး အဆင့် အဆောင် အယောင်တွေကို နွေဦးကျန်းမာဆေးရုံရဲ့ရဲဘော်တစ်ဦးဖြစ်တဲ့ Buddyမှာ တပ်ဆင်ပေးထားတာကို ဓာတ်ပုံနဲ့တကွ ဆေးတက္ကသိုလ် (၂) ကျောင်းသားကော်မတီက ထုတ်ပြန်ပါတယ်။
ရဲဘော် Buddy ဟာ သူငယ်ငယ် လက်တစ်ဝါးစာအရွယ်ကတည်းက ဆရာဝန်တွေ လူနာကြည့်လည်းလိုက်၊ စစ်ရှောင်သွားလည်းလိုက် ၊ အကုန် အားကိုးရတဲ့ရဲဘော်ဖြစ်တယ်လို့ ဖော်ပြပါတယ်။
“လက်နက်ကြီး ကျခါနီးဆို အကုန်ပတ်ဟောင်ပြီးနှိုးပေး ဆရာဝန်တွေ မအိပ်ရင် သူမအိပ် တဲ့ရဲဘော်တစ်ဦးပါ” လို့ ဆေးတက္ကသိုလ်(၂) ကျောင်းသားကော်မတီက ပြောပါတယ်။
ရဲဘော် BUDDY ကို တပ်ဆင်ပေးထားတဲ့ အဆောင်အယောင်ဟာ ကရင်နီဒေသ နန်းဖဲ-ထားလဲ ထောက်ပို့ယာဉ်တန်းမှာ သေဆုံးခဲ့တဲ့ စစ်ကောင်စီတပ် ဒုဗိုလ်မှုးကြီး အပွင့်တွေဖြစ်တယ်လို့ ဖော်ပြပါတယ်။
တိုက်ပွဲမှာပါခဲ့ကြတဲ့ တပ်ရင်းတွေကို ပြန်လည်ထောက်ပို့ပေးနိုင်ဖို့ ရဲဘော် Buddy ရဲ့ လည်ပတ်ကို ရန်ပုံငွေရှာဖွေပေးကြနိုင်ဖို့ ကူညီပေးကြဖို့လည်း တိုက်တွန်းထားပါတယ်။
ဓာတ်ပုံ-UM(2)SC
