ရန်ကုန်၊ ဇူလိုင် ၁၈
မန္တလေးတွင် ၇၅ နှစ်မြောက် အာဇာနည်နေ့ အထိမ်းအမှတ်အဖြစ် ယနေ့ နံနက်ပိုင်း စစ်အာဏာရှင်စနစ် ဆန့်ကျင်ရေးချီတက်သပိတ်မှောက်ကြသည်။
ယနေ့ ဇူလိုင်လ ၁၈ ရက်နေ့တွင် ဖမ်းဆီးစစ်ဆေးမှုတွေ တင်းကျပ်နေသည့် မန္တလေး၌ မန္တလေးသပိတ်အင်အားစု အဖွဲ့ဝင်များနှင့် သံဃသမဂ္ဂ-မန္တလေးတို့ ပူးပေါင်း၍ “အာဇာနည်တို့အရိုးဖြင့် ဖက်ဒရယ်အလံတော်ကိုလွင့်ထူကြ” စာသားပါဘန်နာ ကိုင်စွဲပြီး “အာဇာနည်မျိုး သေရိုးမရှိ၊လူမျိုးကြီးဝါဒတိုက်ဖျက်ကြ အာဇာနည်ဟာကိုးဦးမက” စသော စစ်အာဏာရှင်စနစ် ဆန့်ကျင်ရေး ကြွေးကြော်သံများဟစ်ကြွေးကာ မြန်မာ့လွတ်လပ်ရေးတိုက်ပွဲတွင် ကျဆုံးခဲ့ရသောအာဇာနည်ကိုးဦးနှင့်တကွ ခေတ်အဆက်ဆက်ဒီမိုကရေစီအရေးအတွက်တိုက်ပွဲဝင်ရင်း ဂုဏ်ရောင်ပြောင်မြောက်စွာကျဆုံးခဲ့ရသော အာဇာနည်သူရဲကောင်းများအား ချီတက်အလေးပြုကြသည်။
Photo-Simple Light,MRS,Poison
