ရန်ကုန်၊ ဩဂုတ် ၁၆
စစ်ကိုင်းတိုင်း၊ အင်းတော်မြို့နယ်၊ နဘားလမ်းဆုံအနီရှိ ဆောက်လုပ်ရေးဝန်ကြီးဌာန တန်ပိုဂိတ်ကို KIA နှင့် PDF က ယနေ့ ဝင်ရောက် ရှင်းလင်းပြီး ဝန်ထမ်း ၄ ဦးကို စစ်ဆေးမြန်းရန် ခေတ္တထိန်းသိမ်းထားပြီး ပြန်လွှတ်မည်ဖြစ်ကြောင်း Indaw Revolution IR က သတင်းထုတ်ပြန်သည်။
စစ်ကိုင်းတိုင်းအထက်ပိုင်း အင်းတော်မြို့နယ် နဘားလမ်းဆုံအနီးရှိ စစ်ကောင်စီထံသို့ ဝင်ငွေစီးဆင်းနေသည့် စစ်ကောင်စီလက်အောက်ခံ ဆောက်လုပ်ရေးဝန် ကြီးဌာနပိုင်သည့် နဘားတန်ပိုဂိတ်ကို KIA၊PDFပူးပေါင်း တပ်ဖွဲ့များက
ယနေ့ နံနက် ၁၀ နာရီအချိန်တွင် ဝင်ရောက်ရှင်းလင်းခဲ့ကြောင်း ၊ ရှင်းလင်းမှု လုပ်နေစဉ် အင်းတော်မြို့ ရိက္ခာကုန်းဘက်ရှိ စစ်ကောင်စီတပ်တပ်က နဘားရွာဘက်သို့ လက်နက်ကြီးဖြင့် ရမ်းသမ်းပစ်ခတ်ခဲ့ကြောင်း၊ ဝန်ထမ်း ၄ ဦးကို ခေတ္တထိန်းသိမ်းဖမ်းဆီးထားပြီး စစ်မေးပြီး ပြန်လည်လွှတ်ပေးမည်ဖြစ်ကြောင်း သိရှိရသည်။
