ရန်ကုန်၊ ဩဂုတ် ၁၁
မကွေးတိုင်း၊ ပေါက်မြို့နယ်၊ ဇီးပြားရဲစန်းမှ ရဲတပ်သား ၂ ဦးသည် သေနတ် ၂ လက်၊ ခဲယမ်းအချို့နှင့်တကွ ယမန်နေ့ ဩဂုတ်လ ၁၀ ရက်တွင် အလင်းဝင်လာကြောင်း မြိုင်မြို့နယ် ပြည်သူ့ကာကွယ်ရေးတပ်မတော်က ယနေ့ သတင်းထုတ်ပြန်သည်။
အဆိုပါ ရဲ ၂ ဦးသည် G3 သေနတ် ၁ လက်၊ G4 သေနတ် ၁ လက်၊ ကျည်ဘောက် ၄ ခု၊ ကျည် ၄၇၀ တောင့်၊ လက်ပစ်ဗုံး ၁ လုံးနှင့် အတူ အလင်းဝင်လာခြင်းဖြစ်ကြောင်း သိရှိရသည်။
CDM ရဲ ၂ ဦးကို တစ်ဦးလျှင် သိန်း ၁၀၀ ကျပ် ပေးအပ်ဂုဏ်ပြုကာ လွတ်မြောက်နယ်မြေသို့ ပို့ဆောင်ပြီးကြောင်း မြိုင်မြို့နယ် ပကဖ က သတင်းထုတ်ပြန်ထားသည်။
ဓါတ်ပုံ – မကွေးတိုင်း ရဲတပ်ဖွဲ့ဝင်များ (ပုံအဟောင်းဖြစ်ပါသည်)
