ရန်ကုန်၊ သြဂုတ် ၁၃
စစ်ကိုင်းတိုင်း ကနီမြို့နယ်တွင် PDF ရဲဘော် ၂ ဦးဖြစ်သည့် ရဲဘော် မျိုးခိုင်နှင့် ရဲဘော် ကျော်စွာတို့ ချင်းတွင်းမြစ် တိုက်ပွဲတွင် ကျဆုံးခြင်း တစ်နှစ်ပြည့် အခမ်းအနားနှင့် စစ်အာဏာရှင် ဆန့်ကျင်ရေး ဆန္ဒပြပွဲကို ယနေ့ သြဂုတ်လ ၁၃ ရက်နေ့တွင် ပြုလုပ်ခဲ့ကြောင်း သိရသည်။
အခမ်းအနားတွင် NUG ကာကွယ်ရေး အလံတော်အား အလေးပြုခြင်း၊ ဗိုလ်ချုပ်အောင်ဆန်းနှင့်တကွ ကျဆုံးသွားသော အာဇာနည် ရဲဘော်များအား အလေးပြုခြင်း၊ ခေတ်အဆက်ဆက်နှင့် နွေဦးတော်လှန်ရေးတွင် ကျဆုံး ကြွေလွင့်သွားသော အာဇာနည်များ၊ ရဟန်းရှင်လူ ကျောင်းသားပြည်သူများအား ဦးညွတ်အလေးပြုခြင်း ၊ ကျဆုံးသွားသော အာဇာနည်သူရဲ ကောင်း အားလုံးတို့အား လွမ်းဆွတ်တမ်းတသတိရသောအားဖြင့် တစ်မိနစ်ငြိမ်သက်ခြင်း ၊ ေသွးစည်းညီညွတ်ရေး အာဏာရှင်ဆန့်ကျင်ရေး တေးသီချင်းများ သံပြိုင်သီဆိုခြင်းများပြုလုပ်ခဲ့ကြောင်း သိရသည်။
ကနီ နွေဦးတော်လှန်ရေး အင်အားစုများမှ ဦးဆောင်သူများက အမှတ်တရ အောက်မေ့စကားများ အသီးသီး ပြောကြားခဲ့ကြပြီးစစ်အာဏာရှင်ဆန့်ကျင်ရေးကြွေးကြော်သံများ ကြွေးကြော်ကာ ဆန္ဒပြခဲ့ပြီး ကနီမြို့နယ် NUG လူကယ်ပြန် တာဝန်ရှိသူများမှ ကျဆုံးရဲဘော် နှစ်ဦးအတွက် ထောက်ပံ့ငွေများ ပေးအပ်ခဲ့ကြောင်း သိရသည်။
