ရန်ကုန်၊ ဩဂုတ် ၁၃
မန္တလေးတိုင်း၊ ဝမ်းတွင်းတွင် လမ်းပေါ်သွားနေသော စစ်ကားကို ဒရုန်းဖြင့် လိုက်လံ ဗုံးကျဲ၍ စစ်သား ၁ ဦးသေဆုံးပြီး ၆ ဦး ဒဏ်ရာရကာ စစ်ကားပျက်စီးသွားကြောင်း စစ်ကောင်စီ၏ ကြေးနန်းများတွင် ဖော်ပြထားည်။
ဩဂုတ်လ ၁၃ ရက်နေ့ နံနက် ၈ နာရီ ၅ မိနစ်အချိန် ဝမ်းတွင်းမြို့နယ်၊ ရန်ကုန်- မန္တလေး ကားလမ်းဟောင်း မိုင်တိုင် ၃၃၃/၆ အနီး ဘုရား စုကျေးရွာအနီးတွင် ကူမဲသံချပ်ကာ တပ်ရင်းမှ သင်တန်းဆင်းလာသော စစ်သားများ တင်ဆောင်လာ သည့် စစ်ကား ဗ/၆၆၅၇ ကို ဒရုန်းဖြင့် လိုက်လံ ဗုံးကျဲသဖြင့် ကားရှေ့ဘီး ၂ လုံး ပေါက်ထွက်၊ လေကာမှန်ကွဲ၊ ရေတိုင်ကီ ပေါက်ပြဲပြီး ပျက်စီးသွားကြောင်း သိရှိရသည်။
စစ်ကားပေါ်လိုက်ပါသော အမှတ် ၅၀၁၀ တင့်ကားတပ်ရင်းမှ တပ်သား တင်မျိုးဝင်း ဦးခေါင်း ဗုံးထိမှန်ပြီး သေဆုံးကြောင်း၊ ဒုအရာခံဗိုလ် ဝင်းလှိုင်၊ တပ်ကြပ် ကြီး အောင်ဆန်းဝင်း၊ တပ်ကြပ်ထွန်းလင်း ဒုတပ်ကြပ် ဘုန်းမြင့်ဇော်၊ တပ်သား စိုးသူတို့ မစိုးရိမ်ရ ဒဏ်ရာရရှိကြောင်း၊ တပ်ကြပ်ကြီး အောင်စိုးမှာမူ ရင်အုံထိမှန်ဒဏ်ရာဖြင့် အသက်အန္တရာယ်စိုးရိမ်ရကြောင်း ၊ သေဆုံးနှင့်ဒဏ်ရာရ စစ် သား ၇ ဦးကို ဝမ်းတွင်းဆေးရုံပို့ဆောင်ခဲ့ကြောင်း သိရှိရသည်။
