ရန်ကုန်၊ ဩဂုတ် ၁၅
စစ်ကိုင်းတိုင်း အင်းတော်တွင် စစ်တပ်ပိုင် မြန်မာဘီယာ ၊ ဒဂုံဘီယာနှင့် Andaman Gold အရက်များ တင်လာသော ၆ ဘီးကားကို KIA၊ PDF ပူးပေါင်းတပ်ဖွဲ့က ဖမ်းဆီးပြီး အရက်နှင့်ဘီယာများကို ဖျက်ဆီးရှင်းလင်း လိုက်ကြောင်း Indaw Revolution-IRက သတင်းထုတ်ပြန်သည်။
ဩဂုတ်လ ၁၂ ရက်နေ့ နံနက် ၁၁ နာရီခွဲအချိန် KIA၊ PDFပူးပေါင်းတပ်ဖွဲ့များက အင်းတော်-ကျောင်းကုန်း လမ်းပိုင်းအတွင်း စစ်ဆေးနေစဥ် မန္တလေးမှ အင်းတော်ဘက်သို့ ၆ဘီးကားဖြင့် တင်ဆောင်လာသော စစ်တပ်ပိုင် Myanmar Beer ၁၈၀ ဖာ၊Andaman Gold ၁၂ ဖာနှင် Dagon Beer ၈ ဖာတို့ကို ဖမ်း ဆီးရမိကြောင်း၊ စစ်တပ်ပိုင် အရက်နှင့် ဘီယာများကို KIA ၊PDFပူးပေါင်းတပ်ဖွဲ့များမှ တားဆီးဖျက်ဆီးခဲ့ကြောင်း သိရှိရသည်။
စစ်အုပ်စုပိုင် ထုတ်ကုန်များကို အင်းတော်မြို့နယ် လမ်းပိုင်းအတွင်း တားဆီးဖျက်ဆီးသွားမည်ဟု KIA ၊ PDF ပူးပေါင်းတပ်ဖွဲ့က သတိပေးထားသည်။
