ရန်ကုန်၊ ဩဂုတ် ၁၅
ပဲခူးတိုင်း၊ တောင်ငူခရိုင်၊ ထန်းတပင်မြို့နယ်၊ ရှားစေးဖိုကျေးရွာအနီး ယနေ့ နံနက်ပိုင်း စစ်တပ်နှင့် KNU တပ်များအကြား တိုက်ပွဲဖြစ်ပွားနေပြီး လက် နက်ကြီးပစ်ခတ်သံများ ဆက်တိုက်ကြားနေရကြောင်း ဒေသခံများထံမှ သိရှိရသည်။
ဩဂုတ်လ ၁၅ ရက်နေ့ နံနက် ၉ နာရီအချိန်မှစတင်ပြီး အပြန်အလှန်ပစ်ခတ်သံများကြားရခြင်းဖြစ်ပြီး ယခု နံနက် ၁၁ နာရီခွဲကျော်သည်အထိ ပစ်ခတ်နေကြဆဲဖြစ်ကြောင်း ဒေသခံများက ဆိုသည်။
“အခု တောင်ငူခရိုင် ထန်းတပင်မြို့နယ် ရှားဇီးဖိုမှာ တိုက်ပွဲပြင်းထန်နေပါတယ်။ လက်နှက်ကြီးအလုံး ၂၀ ကျော် ပစ်ခတ်သံဆက်တိုက်ကြားရတယ်။ မနက် ၉ နာရီကတည်းက စဖြစ်နေတာ။ အခု ၂ နာရီကျော်ပြီ ။ ပစ်သံတွေ ကြားနေရတုန်းပဲ။ တိုက်ပွဲပြင်းထန်နေတယ်” ဟု ဒေသခံတစ်ဦးက ပြောသည်။
လက်ရှိတွင် ထန်းတပင်မြို့အနီးတွင် စစ်ကောင်စီ၏ ရဟတ်ယာဉ်များ ပျံဝဲနေသည်ကို တွေ့ရကြောင်း၊ တိုက်ပွဲဖြစ်ပွားသော ရှားစေးဖိုကျေးရွာသည် ထန်းတပင်မြို့နယ်အထွက် ကျီးတော်ရွာ၏ အရှေ့ဘက် တောင်ခြေနားတွင် တည်ရှိနေသော ကျေးရွာဖြစ်ကြောင်း သိရှိရသည်။
