ရန်ကုန်၊ ဩဂုတ် ၁၅
မွန်ပြည်နယ်၊ ကျိုက်ထိုမြို့နယ်တွင် မရမ်းချောင်နယ်ထိန်းရဲတပ်ကြပ်ကြီးစိုးဝင်း၏ ကားကို ဒေသတော်လှန်ရေး တပ်ဖွဲ့က မိုင်းဆွဲတိုက်ခိုက်ရာ ကားပေါ်ပါ ရဲအရာရှိ အပါအဝင် ရဲ ၃ ဦးစလုံး သေဆုံးသွားကြောင်း ဒေသသတင်းရင်းမြစ် Kyaikhto Revolution and Information Networkက ရန်ကုန်ခေတ်သစ်သတင်းဌာနထံသို့ ပြောဆိုသည်။
ယနေ့ နံနက် ၉ နာရီ ၀၈ အချိန်က ကျိုက်ထိုမြို့နယ်၊ မရမ်းချောင်ရွာအနီး မုပ္ပလင်ဘက်မှ ကျိုက်ထိုဘက်သို့ ဦးတည်လာသော မရမ်းချောင်နယ်ထိန်း ရဲတပ်ကြပ်ကြီး စိုးဝင်း ကားကို မိုင်းဆွဲတိုက်ခိုက်ခဲ့ခြင်းဖြစ်ကြောင်း ၊ ကားပေါ်ပါ ရဲ ၃ ဦးစလုံး သေဆုံးသွားကြောင်း သိရှိရသည်။
နယ်ထိန်း ရဲတပ်ကြပ် စိုးဝင်း၏ကားမှာ Toyota Wish အဖြူရောင်ဖြစ်ပြီး ကားတွင် နယ်ထိန်းရဲ စိုးဝင်း ၊ ရဲအရာရှိတစ်ယောက် နှင့် ရဲတပ်သားတစ်ယောက် အတူပါလာကြောင်း၊ မိုင်းဆွဲမှုကြောင့် ကားပျက်စီးခဲ့ပြီး ရဲ ၃ ဦးလုံး သေဆုံးသွားကြောင်း သိရှိရသည်။
