ရန်ကုန်၊ ဩဂုတ် ၂၃
ကရင်ပြည်နယ်၊ မြ၀တီမြို့နယ်၊ တပ်မဟာ ၆ နယ်မြေတွင် တိုက်လေယာဉ် ၄ စီးဖြင့် စစ်တပ်က အကြိမ်ကြိမ် ဗုံးကျဲနေပြီး တိုက်ပွဲပြင်းထန်နေကြောင်း ရှေ့တန်း သတင်းရင်းမြစ်များထံမှ သိရှိရသည်။
ယနေ့ နံနက်ပိုင်းမှစတင်၍ မြ၀တီမြို့နယ်၊ သုံးထပ်ကွေ့တွင် တိုက်ပွဲပြင်းထန်နေပြီး နံနက် ၁၀ နာရီအချိန်တွင် တိုက်လေယာဉ်များဖြင့် ဗုံးကျဲတိုက်ခိုက်ခဲ့ကြောင်း၊ ယင်းနောက် ညနေ ၃ နာရီ ၃၀ အချိန်တွင် ထပ်မံ တိုက်လေယာဉ် ၄ စင်းဖြင့် ဗုံးလာကျဲချကြောင်း၊ ပြည်သူ့ကာကွယ်ရေးတပ်မတော်ဘက်မှ ကျဆုံးမှု တချို့ရှိကြောင်း၊ စစ်ကောင်စီ၏ တိုက်လေယာဉ်များဖြင့် ဗုံးကျဲနေမှုကို ထိုင်းနိုင်ငံ၊ မဲဆောက်ဘက်အခြမ်းမှ မြင်ရကြောင်း သိရှိရသည်။
“ကျနော်တို့သိထားတာ ထိခိုက်ကျဆုံးမှုတချို့ရှိတယ်။ တိုက်ပွဲက ပြင်းထန်တယ်။ BGF နဲ့ စစ်တပ်က ကုန်းကြောင်း အင်အားတွေ စစ်ကြောင်းထိုးလာတယ်။ အဲဒီလို အခြေအနေပါ” ဟု ရှေ့တန်းသတင်းရင်းမြစ်က ဆိုသည်။
ဓာတ်ပုံ- အကြမ်းဖက်စစ်ကောင်စီ၏ တိုက်လေယာဉ်များ စစ်ရေးလေ့ကျင့် တိုက်ခိုက်မှု မြင်ကွင်း။ (ပုံအဟောင်းဖြစ်သည်)
