32 C
Yangon

မြဝတီ၊ သုံးထပ်ကွေ့တွင် စစ်ကြေင်းထိုးနေသော တပ်မ ၄၄၊ ခလရ ၈ မှ တပ်သား ၂ ဦး KNU ထံ ခိုလှုံ

Date:

ရန်ကုန်၊ စက်တင်ဘာ ၁၀

ကရင်အမျိုးသားအစည်းအရုံး၊ KNU တပ်မဟာ ၆ အုပ်ချုပ်နယ်မြေအတွင်းရှိ မြဝတီမြို့နယ်၊ သုံးထပ်ကွေ့အနီး ထိုးစစ်ဆင်နေသော အကြမ်းဖက်စစ်ကောင်စီ၏ တပ်မ ၄၄၊ ခလရ ၈ မှ တပ်သား ၂ ဦး စက်တင်ဘာလ ၉ ရက် ယမန်နေ့တွင် KNU ထံ ထပ်မံခိုလှုံလာကြောင်း သတင်းရရှိသည်။

တပ်မ ၄၄ လက်အောက်ခံ ဘီးလင်းအခြေစိုက် ခလရ ၈၊ တပ်ခွဲ ၁ မှ တပ်သားစိုးအောင်နှင့် တပ်သားဇော်ထွန်းတို့ ၂ ဦးသည် မြဝတီ-ဝေါလေကားလမ်းတွင် ထိုးစစ်ဆင်နေစဉ် ရှေ့တန်းစစ်မြေပြင်ကို စွန့်ခွာကာ KNU ထံ ခိုလှုံပူးပေါင်းလာခြင်းဖြစ်သည်ဟု သိရှိရသည်။

လက်ရှိတွင် ၎င်းတို့နှစ်ဦးကို လွတ်မြောက်နယ်မြေရှိ ပြည်သူ့ရင်ခွင်ခိုလှုံရေးကော်မတီထံ ဆက်သွယ်ပို့ဆောင်ထားကြောင်း ကရင်သတင်းရင်းမြစ်များက ဆိုသည်။

တပ်မ ၁၁၊ ၂၂၊ ၄၄ လက်အောက်ခံ တပ်ရင်းများအပါအဝင် လက်ပါးစေ BGF တပ်ရင်းများပါ အသုံးပြုလျှက်ရှိပြီး စုစုပေါင်း တပ်ရင်း ၁၇ ရင်းဖြင့် မြဝတီ-ဝေါလေကားလမ်းပိုင်းကို ထိုးစစ်ဆင် တိုက်ခိုက်နေခြင်းဖြစ်ပြီး လက်ရှိအချိန်ထိ နယ်မြေစိုးမိုးမှု မရှိသေးဘဲ စစ်သားအများအပြား သေဆုံးခြင်း၊ KNLA တပ်ဖွဲ့များ၏ ဖမ်းဆီးခံရခြင်း၊ စစ်အာဏာရှင်ကို စွန့်ခွာကာ စစ်သားများ ထွက်ပြေးခြင်းများ ဖြစ်ပေါ်လျှက်ရှိသည်။

အဆိုပါ လမ်းပိုင်းကို စိုးမိုးနိုင်ရန် အကြမ်းဖက်စစ်တပ်က ထိုးစစ်ဆင်တိုက်ခိုက်နေသည်မှာ ၃ လဝန်းကျင် ကြာမြင့်နေပြီ ဖြစ်သည်။

ယမန်နေ့တွင် အကြမ်းဖက်စစ်တပ် တပ်မ ၄၄ လက်အောက်ခံ၊ ခမရ ၁၀၂ မှ ဗိုလ်ကြီးရဲရင့်မောင် အပါအဝင် ၆ ဦးကို လက်နက်ခဲယမ်း၊ ရိက္ခာများနှင့်တကွ KNLA ပူးပေါင်းတပ်ဖွဲ့ ကော်ဘရာစစ်ကြောင်းက ဖမ်းဆီးရမိခဲ့သေးသည်။

ဓါတ်ပုံ – CDM ပြုလုပ်လာသည့် တပ်မ ၄၄၊ ခလရ ၈ မှ တပ်သား စိုးအောင်နှင့် ဇော်ထွန်း

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ထီးချိုင့်မြို့နယ်၊ လေသာကျေးရွာကို ယမန်နေ့ ညပိုင်းတွင် စစ်တပ်က လေ ယာဉ် ဖြင့် ဗုံးကျဲ ပြီး ယနေ့ နံနက်ပိုင်းတွင် မီးတင်ရှို့နေ

ရန်ကုန်၊ ဒီဇင်ဘာ ၁စစ်ကိုင်းတိုင်း၊ ထီးချိုင့်မြို့နယ်၊ လေသာကျေးရွာကို ယမန်နေ့ ညပိုင်းတွင် စစ်တပ်က လေယာဉ်...

Khit Thit သတင်းဌာန၏ ဒီဇင်ဘာ ၁ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၁ ရက် နေ့လယ်ပိုင်း ရုပ်သံသတင်းအစီအစဉ် By...

Breaking News- စစ်အာဏာရှင် ဆန့်ကျင်ရေး ဦးဆောင် လှုပ်ရှားသူ ဒဂုံ တက္ကသိုလ်ကျောင်းသား ၇ ဦးကို စစ်ကောင်စီတရားရုံးက သေဒဏ် ချမှတ်

ရန်ကုန်၊ ဒီဇင်ဘာ ၁စစ်အာဏာရှင် ဆန့်ကျင်ရေး တက်ကြွလှုပ်ရှားခဲ့ကြသည့် ဒဂုံတက္ကသိုလ် ကျောင်း သား ၇...