ရန်ကုန်၊ စက်တင်ဘာ ၁၀
မြန်မာပြည်သူများ၏ ကိုယ်စားလှယ် သံအမတ်ကြီး ဦးကျော်မိုးထွန်းကို သံအမတ်ကြီးအဖြစ် ဆက်လက်ခန့်အပ်ပေးရန် လက်ပံတောင်းတောင်ဒေသခံ ပြည်သူများက စက်တင်ဘာ (၁၀) ရက်နေ့တွင် ချီတက် ဆန္ဒပြ တောင်းဆိုကြသည်။
တောင်းဆိုဆန္ဒပြခဲ့ကြရာတွင် လက်ရှိတာဝန်ထမ်းဆောင်လျက်ရှိသော ပြည်သူ့သံအမတ် ဦးကျော်မိုးထွန်းကို ယခုနှစ်ကျင်းပမည့် (၇၇) ကြိမ်မြောက် ကုလညီလာခံကနေ အသိအမှတ်ပြုရေးနှင့် အမျိုးသားညီညွတ်ရေးအစိုးရ (NUG) ကို တရားဝင်အသိအမှတ်ပြုပေးရန် တောင်းဆိုကြသည်။
“Accept NUG and Our Ambassador, Reject Dictator”၊ NUG နှင့်ကျွန်ုပ်တို့၏သံအမတ်ကိုလက်ခံပါ၊ အာဏာရှင်ကိုငြင်းပယ်ပါ။ “UN, Prove Your Existence for Justice” ကုလသမဂ္ဂ၊ တရားမျှတမှုအတွက် သင်၏တည်ရှိမှုကို သက်သေပြပါ။ ဆိုသည့် စာတန်းများကိုင်ဆောင်ပြီး ဆန္ဒပြကြခြင်းဖြစ်သည်။
Photo- Black Ko
