ရန်ကုန်၊ စက်တင်ဘာ ၁၅
ရန်ကုန်တိုင်း၊ ဒဂုံမြို့သစ်မြောက်ပိုင်း ၃၉ ရပ်ကွက်ရုံးကို စက်တင်ဘာလ ၁၅ ရက်နေ့ညပိုင်းအချိန်တွင် ဗုံးခွဲတိုက်ခိုက်ခဲ့ကြောင်း Special Nway Oo မြို့ပြပျောက်ကျားတပ်ဖွဲ့က သတင်းထုတ်ပြန်သည်။
စက်တင်ဘာလ ၁၅ ရက်နေ့ ည ၉ နာရီ ၅၀ မိနစ်အချိန် ရန်ကုန်တိုင်း၊ ဒဂုံမြို့သစ်မြောက်ပိုင်း ၃၉ ရပ် ကွက်ရှိ အုပ်ချုပ်ရေးမှူးရုံးကို အဝေးထိန်းဗုံးဖြင့် ဖောက် ခွဲတိုက်ခိုက်ခဲ့ကြောင်း၊ ထိခိုက်ပျက်စီးမှု အခြေ အနေကို မသိရဘဲ ပျောက်ကျားတပ်ဖွဲ့ဝင်များ အန္တရာယ်ကင်းစွာ ပြန်လည် ဆုတ်ခွာနိုင်ခဲ့ကြောင်း သိရှိရသည်။
“ဗုံးပေါက်ကွဲသံတော့ကြားတယ်။ ည ၁၀ နာရီလောက်ဆို လမ်းပေါ်မှာ လူသွားလူလာ နည်းနေပြီ။ စစ်ခွေးတွေနဲ့ ကင်းပုန်းတွေပဲ လမ်းပေါ်မှာများတော့ အပြင်လည်းထွက်မကြည့်ဖြစ်ဘူး။ ဗုံးကွဲသံကတော့ အတော်ကျယ်တယ်” ဟု မြောက်ဒဂုံ ဒေသခံတစ်ဦးက ပြောဆိုသည်။
အလားတူ ဒဂုံမြို့သစ်တောင်ပိုင်းတွင် ယနေ့ည ၁၀ နာရီ ၅ မိနစ်အချိန်၊ လှိုင်သာယာမြို့နယ်တွင် ယနေ့ ည ၉ နာရီအချိန် ၊ မရမ်းကုန်းမြို့နယ်တွင် ယနေ့ ည ၈ နာရီခွဲအချိန်တို့တွင် ဗုံးပေါက်ကွဲသံများကြားရကြောင်း ဒေသခံများထံမှ သိရှိရသည်။
ဓာတ်ပုံ- ရန်ကုန်တွင် ညပိုင်း ပိတ်ဆို့စစ်ဆေးနေသည့် အကြမ်းဖက်စစ်ကောင်စီလက်အောက်ခံ ရဲတပ်ဖွဲ့ဝင်များ။ (ပုံအဟောင်းဖြစ်သည်)
