ဆွီဒင်တွင် ကုလသမဂ္ဂ သံအမတ်ကြီး ဦးကျော်မိုးထွန်းကို ဆက်လက်ထားရှိရေး နှင့် စစ်အာဏာရှင် ဖြုတ်ချရေး ချီတက် ဆန္ဒပြ

ရန်ကုန်၊ စက်တင်ဘာ ၁၈

ဆွီဒင်တွင် ကုလသမဂ္ဂ သံအမတ်ကြီး ဦးကျော်မိုးထွန်းကို ဆက်လက်ထားရှိရေး နှင့် စစ်အာဏာရှင် ဖြုတ်ချရေး စက်တင်ဘာလ ၁၇ ရက်နေ့တွင် ချီတက် ဆန္ဒပြကြသည်။

“UN, Prove Your Existence for Justice” ( ကုလသမဂ္ဂ၊ တရားမျှတမှုအတွက် သင်၏တည်ရှိမှုကို သက်သေပြပါ ) ဆိုသည့် စာသားများကိုကိုင်ဆောင်ပြီး ဆန္ဒဖော်ထုတ်ခဲ့ကြသည်။

ဆန္ဒပြပွဲသို့ ဆွီဒင်နိုင်ငံတစ်ဝှမ်းမှ ဒီမိုကရေစီရေးတက်ကြွလှုပ်ရှားသူများ လာရောက်ခဲ့ကြပြီး NUG အမျိုးသားညီညွတ်ရေးအစိုးရ ဖက်ဒရယ်ဝန်ကြီး၏ ဇနီးလည်း တက်ရောက်ခဲ့ကြောင်း သိရှိရသည်။