ရန်ကုန်၊ စက်တင်ဘာ ၂၈
စစ်ကိုင်းတိုင်း၊ ချောင်းဦးမြို့နယ်နှင့်မြောင်မြို့နယ်၊ မန္တလေးတိုင်း၊ မြင်းခြံမြို့ နယ် နှင့် ချင်းပြည်နယ်၊ ဟားခါးမြို့နယ် တိုက်ပွဲများတွင် စစ်ကောင်စီ တပ်ဖွဲ့ဝင် ၁၄ ဦးသေဆုံးခဲ့ကြောင်း ဒေသကာကွယ်ရေးတပ်ဖွဲ့များ၊ ဒေသသတင်းရင်း မြစ်များထံမှ သိရှိရသည်။
မြင်းခြံတွင် ဒရုန်းဖြင့် ၃ ရက်ဆက်တိုက် ဗုံးကျဲမှု စစ်သား ၈ ဦး သေဆုံး
မန္တလေးတိုင်း၊ မြင်းခြံမြို့နယ်၊ ကျေးရွာများတွင် အခြေချထားသည့် စစ်တပ်ကို စက်တင်ဘာ၂၅ ရက်နေ့ မှစတင်ပြီး ယနေ့အထိ ၃ ရက်ဆက်တိုက် ဒရုန်းဖြင့် ၁၀ ကြိမ် ဗုံးကျဲ တိုက်ခိုက်ခဲ့ရာ စစ်သား ၈ ဦး သေဆုံးကြောင်း၊ ဒဏ်ရာရရှိများရှိကြောင်း 27 Revolution Force – မြင်းခြံ က သတင်း ထုတ်ပြန်သည်။
ချောင်းဦးတွင် စစ်သား ၃ ဦးသေဆုံး
စက်တင်ဘာလ ၂၆ ရက်နေ့ နံနက် ၇ နာရီ ၃၀ မိနစ်အချိန် စစ်ကိုင်းတိုင်း၊ ချောင်း ဦးမြို့နယ်အားကစားကွင်းမှအနောက်ဘက်ကျေးရွာများဘက်သို့ ခြေ လျင်စစ်ကြောင်းထိုးလာသည့် အကြမ်းဖက်စစ်ကောင်စီအင်အား ၄၀ ခန့်ကို အုတ်ဖိုအနီးတွင် CHUPDF တပ်ခွဲ ၄ (မိုင်းတပ်ခွဲ) မှ ရဲဘော်များက မိုင်းဆွဲတိုက် ခိုက်ခဲ့ကြောင်း၊ စစ်သား ၃ ဦး သေဆုံးပြီး ၇ ဦး ပြင်းထန်ကြောင်း၊ ထိုအထဲတွင် ၁ ဦးပါဝင်ကြောင်း ချောင်းဦး CHUPDFက သတင်းထုတ်ပြန်သည်။
ဟားခါးတိုက်ပွဲတွင် ရဲတပ်ဖွဲ့ဝင် အောင်အောင်လွင် သေဆုံး
စက်တင်ဘာ ၂၇ရက်နေ့ နံနက်ပိုင်း၊ ချင်းပြည်နယ်၊ ဟားခါးမြို့၊ ဟားခါးထာရ်ရပ်ကွက် ၆-လမ်းဆုံတိုက်ပွဲတွင် ရဲ တပ်ဖွဲ့ဝင် အောင်အောင်လွင် သေဆုံးခဲ့ပြီး သုဘလိုက်ပို့နေစဉ် ထပ်မံတိုက်ခိုက်ခံရသဖြင့် ရဲ ၂ ဦး ပြင်းထန်ဒဏ်ရာရရှိကြောင်း ၊ ယနေ့ညနေပိုင်း ၅နာရီခန့်တွင် ဟားခါးမြို့ ကျောဘုတ်ရပ်ကွက် သုသာန်သို့ ရဲတပ်ဖွဲ့ဝင် အောင်အောင်လွင် ရုပ်အလောင်းကို အသုဘချရန် ပို့ ဆောင်နေစဉ် တိုက်ခိုက်ခံရသဖြင့် ဒေသသတင်းဌာန The Chin Journal ချင်းဂျာနယ်က သတင်းဖော်ပြသည်။
မြောင်တွင် PDF ၁ ဦးကျဆုံးပြီး စစ်သား ၂ ဦးသေဆုံး
စစ်ကိုင်းတိုင်း၊ မြောင်မြို့နယ်၊ ယနေ့နံနက် ၄ နာရီတွင် ကျောက်ရစ်စခန်းမှ အင်အား စစ်သား ၆၀ ခန့်က ဆင်မင်းကျေးရွာကိုဝင်ရောက်စီးနင်းခဲ့ကြောင်း၊ Myaung Farmer အဖွဲ့မှ မြောင်ပြည်သူ့တပ်မတော် MUA ၏ ဒုတပ်စိပ်မှုး မောင်မျိုးသန့်ခိုင် (ခ) ဗိုလ်စနေက စစ်တပ်ကို တိုက်ခိုက်တွန်းလှန်ရင်းကျဆုံးခဲ့ရကြောင်း၊ အပြန်အလှန်ပစ်ခတ်မှုများကြောင့် စစ်သား ၂ ဦး သေဆုံးကြောင်း၊ စစ်သား ၅ ဦးဒဏ်ရာရကြောင်း ဒေသကာကွယ်ရေးတပ်များထံမှ သိရှိရသည်။
ဓာတ်ပုံ- စက်တင်ဘာလ ၂၇ ရက်နေ့ ဟားခါးထာရ်တိုက်ပွဲတွင် သေဆုံးသွားသော ရဲတပ်ဖွဲ့ဝင် အောင်အောင်လွင်၏ နာရေးကို သဂြိုလ်နေစဉ်။
Photo Credit- The Chin Journal
