ရန်ကုန်၊ အောက်တိုဘာ ၁၄
စစ်ကိုင်းတိုင်း၊ မုံရွာမြို့နယ် ရဲတပ်ရင်း ၂၈ မှ ရဲတပ်သားအောင်ကိုကိုနှင့် ရဲတပ်သား မိုးလင်းအောင် လက်နက်အပြည့်အစုံဖြင့် CDM ဝင်လာသဖြင့် ငွေကျပ် သိန်း ၁၀၀ ချီးမြှင့်ကြောင်း ပြည်သူ့ကာကွယ်ရေးတပ်ဖွဲ (PDA ) မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
စက်တင်ဘာလ ၂၈ ရက်နေ့တွင် မုံရွာမြို့နယ်၊ ရဲတပ်ရင်း(၂၈)မှ ရဲတပ်သား အောင်ကိုကို နှင့် ရဲတပ်သား မိုးလင်းအောင် တို့သည် ပြည်သူ့ကာကွယ်ရေးတပ်ဖွဲ (PDA ) နှင့် ချိတ်ဆက်၍ လက်နက်အပြည့် စုံဖြင့် CDM ပြုလုပ်၍ ပြည်သူ့ရင်ခွင် သို့ ခိုလှုံခဲ့ကြောင်း သိရှိရသည်။
CDM ရဲတပ်သား အောင်ကိုကိုက ” ကျနော်တို့မိသားစုနေအိမ်တွေကို စစ်တပ်က မီးရှို့လိုက်လို့ ကျနော်တို့ မိဘတွေမှာ နေစရာ မရှိတော့ဘူး။ ကျနော်လည်း ထွက်ပြေးချင်နေတာလည်း ကြာပြီ။ သေနတ်ရော ကျည်ရော ရသလောက် ယူပြေးချင်နေတဲ့ အတွက် နောက်ကျသွားတာ ဖြစ်ပါတယ်။ ထွက်ပြေး ဖို ကြံနေတဲ့ သူတွေ ရှိပါတယ်” ဟု ပြောဆိုသည်။
ပြည်သူ့ကာကွယ်ရေးတပ်ဖွဲ (PDA )မှ တာဝန်ရှိသူကမူ ရဲတပ်သား ၂ ဦးကို ၁ ဦးလျှင် သိန်း ၅၀ ကျပ်နှုန်းဖြင့် ၂ ဦးအတွက် သိန်း ၁၀၀ ချီးမြှင့်ထားကြောင်း၊ နောက်ထပ် CDM ဝင်မည့် ရဲနှင့်စစ်သားများကိုလည်း ကြိုဆိုကြောင်း ပြောဆိုသည်။
