ရန်ကုန်၊ အောက်တိုဘာ ၁၉
စစ်ကိုင်းတိုင်း မြောင်မြို့နယ် ရွှေဘုံသာရွာကို စီးနင်းခဲ့သည့် အကြမ်းဖက် စစ် တပ် စစ်ကြောင်းကို ဒေသကာကွယ်ရေး တပ်ဖွဲ့များက ယနေ့ ဝိုင်းဝန်း တိုက် ခိုက်ခဲ့ကြောင်း CDSOM အဖွဲ့ထံမှ သိရသည်။
အောက်တိုဘာလ ၁၉ ရက်နေ့ နံနက်ပိုင်း စစ်တပ်က ရွှေဘုံသာရွာကို ဝင်ရောက် စီးနင်းပြီးနောက် ကျောက်ရစ်စခန်းသို့ ပြန်နေစဉ် CDSOM အဖွဲ့နှင့် စော်ဘွားကြီးအဖွဲ့က ၂ ကြိမ် မိုင်းဆွဲ တိုက်ခိုက်ခဲ့ကြောင်း၊ စစ်သားများ ထိခိုက်သေဆုံးမှု ရှိ၊ မရှိကို အတည်မပြု နိုင်သေးကြောင်း သိရသည်။
အဆိုပါ စစ်တပ်စစ်ကြောင်းကိုပင် စစ်ကိုင်းခရိုင် တပ်ရင်း ၂ တပ်ခွဲ ၃ မှလည်း ၄၀ မမ များဖြင့် ပစ်ခတ် တိုက်ခိုက်ခဲ့သဖြင့် စစ်သား ၂ ဦး ထိခိုက် ဒဏ်ရာရရှိခဲ့ကြောင်း၊ PDF TALOKE နှင့်အတူ မြင်းခြံ ကာကွယ်ရေး တပ်ဖွဲ့များက စစ်ကူ လာရောက်ချိန် စစ်တပ်က လမ်းကြောင်းပြောင်း ဆုတ်ခွာသွားသောကြောင့် အပြင်း အထန် တိုက်ပွဲ ဖြစ်ပွားခြင်းမရှိခဲ့ကြောင်း မြောင်မြို့နယ် ပြည်သူ့ကာ ကွယ်ရေးနှင့် လုံခြုံရေး အဖွဲ့က ထုတ်ပြန်ထားသည်။
အလားတူ အောက်တိုဘာလ ၁၉ ရက်နေ့ ည ၇ နာရီ ၃၀ မိနစ်အချိန် မကွေး တိုင်း၊ ရေနံချောင်းမြို့နယ်ရှိ ပြည်သူများကို လျှပ်စစ်မီတာခများ အဓမ္မကောက် ခံနေသော မြို့နယ် လျှပ်စစ်မီတာရုံးကို ၄၀ မမ ဗုံးသီးများ၊ လက်နက်ငယ်များဖြင့် ပစ်ခတ်တိုက်ခိုက်ခဲ့ကြောင်း၊ တိုက်ခိုက်မှုကို PDF ရေနံချောင်း၊ PDF စလင်း နှင့် CAF-SPUPDF တို့က ပူးပေါင်း တိုက်ခိုက်ခြင်းဖြစ်ကြောင်း သိရှိရသည်။
ဓာတ်ပုံ- မြောင်CDSOM တပ်ဖွဲ့ဝင်တချို့။
