ရန်ကုန်၊ အောက်တိုဘာ ၂၄
ရန်ကုန်၊ မင်္ဂလာဒုံမြို့နယ်ရှိ ရွှေနှင်းဆီ ရပ်ကွက်နှင့် ရေကြည်အိုင် ရပ်ကွက် အုပ်ချုပ်ရေးမှူးရုံးတို့ မိုင်းဖြင့်ပစ်ခတ် တိုက်ခိုက်ခဲ့ကြောင်း သိရသည်။
ရွှေနှင်းဆီရပ်ကွက် အုပ်ချုပ်ရေးမှူးရုံးကို အောက်တိုဘာလ ၂၄ ရက်နေ့ မွန်းလွဲ ၂ နာရီ ၁၀ မိနစ်ခန့်တွင် YDPF-MGDN အဖွဲ့မှ လက်လုပ်မိုင်းဖြင့် ဖောက်ခွဲ တိုက်ခိုက်ခဲ့ကြောင်း သိရသည်။
အလားတူ ရေကြည်အိုင် ရပ်ကွက် အုပ်ချုပ်ရေးမှူးရုံးကို အောက်တိုဘာလ ၂၄ ရက်နေ့ မွန်းလွဲ ၂ နာရီ ၂၂ အချိန်တွင် YDPF-MGDN အဖွဲ့မှ လက်လုပ်မိုင်းဖြင့် ဖောက်ခွဲ တိုက်ခိုက်ခဲ့ကြောင်း သိရသည်။
” ငါတို့မြို့အတွက်ငါတို့ရှိနေသေးကြောင်း သွေးမအေးသေးကြောင်း ဘယ်တော့မှ နောက်ဆုတ်မှာမဟုတ်ကြောင်းနှင့် အာဏာရှင်ကျရှုံးသည်အထိ တိုက်ပွဲဝင်နေပါအုံးမယ်” ဟု YOUNG DEFENCE POWER FORCE အဖွဲ့မှ တာဝန်ရှိသူ တစ်ဦးကပြောဆိုသည်။
ထို့ပြင် ယနေ့ ညနေ ၃ နာရီ ၄၅ မိနစ်အချိန် အုပ်ချုပ်ရေးပစ်မှတ်အဖြစ် ရွှေပြည်သာမြို့နယ်၊လှော်ကားတာဆုံ ဘန်ကာအနီးရှိ လှော်ကားအုပ်ချုပ်ရေးမှုးရုံးကို မြောက်ပိုင်းခရိုင်ပြည်သူကာကွယ်ရေးတပ်ဖွဲ့ နှင့် Yangon Urban Guerrilla Army(YUGA MO 7 Eagle)တို့ ပူးပေါင်း၍ ဝင်ရောက်ပစ်ခတ် တိုက်ခိုက်ခဲ့ကြောင်း၊ စစ်ကောင်စီ လက်ကိုင်တုတ် ရုံးအဖွဲ့ဝင် သုံးဦး ထိခိုက်ဒဏ်ရာရမှုနှင့် သေဆုံးနိုင်ခြေရှိကြောင်း မြို့ပြပျောက်ကျားတပ်ဖွဲ့က ပြောသည်။
ရန်ကုန်တိုင်း၊ ကမာရွတ်မြို့နယ် လျှပ်စစ်မန်နေဂျာရုံးနှင့် မရမ်းကုန်းမြို့နယ် ၈ မိုင် လျှပ်စစ်ရုံးတွင် ယနေ့ နံနက်ပိုင်း ဗုံးပေါက်ကွဲမှုများ ဖြစ်ပွားခဲ့ကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
ဓာတ်ပုံ- ရန်ကုန်တွင် စစ်ဆေးရေး လုပ်နေသည့် အကြမ်းဖက်ရဲတပ်ဖွဲ့ဝင်များ။ (ပုံအဟောင်းဖြစ်သည်)
