ရန်ကုန်၊ အောက်တိုဘာ ၂၆
မွန်ပြည်နယ်၊ ကျိုက်ထိုမြို့နယ်၊ ကင်မါန်းချောင်းကျေးရွာတွင် ယနေ့ စစ်ကား ၁၅ စီးဖြင့် အင်အားအပြည့် အကြမ်း ဖက် စစ်ကောင်စီတပ်များရောက်ရှိလာကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။
အောက်တိုဘာလ ၂၆ ရက်နေ့ မွန်းလွဲ ၂ နာရီ ၁၀ မိနစ်အချိန်တွင် ရောက်ရှိလာခြင်းဖြစ်ပြီး ဖြန့်ခွဲ၍ ကင်းပုန်းဝပ်ခြင်း၊ အရန်အသင့် ပြင်ထားခြင်းများရှိနေသည့်အပြင် နယ်မြေရှင်းလင်းရန် လုပ်ရန် ရှိသည်ဟု တပ်သတင်းရင်းမြစ်တချို့ထံမှ သိရှိရသည်။
“စစ်ကား Faw ကား ၁၅ စီးအပြည့်ပဲ သူတို့လူတွေ။ စစ်အင်အား တိုးချဲ့လာတာ” ဟု ဒေသခံတစ်ဦးက ပြောသည်။
အောက်တိုဘာလအတွင်း စစ်တပ်နှင့် KNLA ၊ PDF ပူးပေါင်းတပ်များအကြား တိုက်ပွဲများဖြစ်ပွားခဲ့ပြီးနောက် စစ်တပ်ဘက်က စစ်အင်အား တိုးချဲ့လာခြင်းဖြစ်ကြောင်း သိရှိရသည်။
ဓာတ်ပုံ- အကြမ်းဖက် စစ်ကောင်စီတပ်သားများ။
Photo- AFP။
