ရန်ကုန်၊ အောက်တိုဘာ ၂၈
ချောင်းဦးမြို့နယ် လူငယ်အင်အားစု သပိတ်ကော်မတီမှ ဦးဆောင်ကာ ယနေ့ အောက်တိုဘာလ ၂၈ ရက်နေ့တွင် ကချင်ပြည်သူများနှင့် အတူ ရပ်တည်ကြောင်း ပြသသည့်အနေဖြင့် ကချင်အလံတော် စတစ်ကာများ ကပ်၍ ကမ်ပိန်း လှုပ်ရှားမှု ပြုလုပ်ခဲ့ကြောင်း သိရသည်။
အဆိုပါ ကမ်ပိန်းလှုပ်ရှားမှုကို ချောင်းဦးမြို့ပေါ်ရှိ လူစည်ကားရာနေရာများဖြစ်တဲ့ ချောင်းဦးပွိုင့်ကားဂိတ်၊ ရတနာရွှေဂူဘုရားကြီးမုခ်ဦး၊ မုံရွာ – မန္တလေး – ပခုက္ကူလမ်းဆုံ – ဗိုလ်ချုပ်အောင်ဆန်းကြေးရုပ်ပန်းခြံ နှင့် မုံရွာ – မန္တလေးကားလမ်းဘေး ဓာတ်တိုင်များ၊ မြို့တွင်းဓာတ်တိုင်များတွင် ကချင်အမျိုးသားအလံနှင့် ” ကချင်ကို ထိ ရင် ချောင်းဦးကို ငြိတာပဲ” ၊ ” တောင်တန်းပြည်မ ညီညွတ်ကြ ” စတဲ့ စာတမ်းများကပ်၍ ကမ်ပိန်း ပြုလုပ်ခဲ့ကြောင်း သိရသည်။
