Khit Thit သတင်းဌာန၏ အောက်တိုဘာ ၂၉ ရက် မနက်ပိုင်း ရုပ်သံသတင်းအစီအစဉ် 

Khit Thit သတင်းဌာန၏ အောက်တိုဘာ ၂၉ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၂၉ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -အကြမ်းဖက်စစ်ကောင်စီနဲ့ ငြိမ်းချမ်းရေး ဖြစ်စဉ် ဘယ်လိုမှ သွားမရတော့ဘူးလို့ KNU မှ ဗဟိုကော်မတီဝင် ပဒိုစောတောနီးက ပြည်သူတွေကို အသိပေးလိုက်ပြီး အဲ့ဒီအသိပေးချက်ကို KNU က အောက်တိုဘာလ ၂၈ ရက်နေ့မှာ ဗီဒီယိုနဲ့တကွ တရားဝင် သတင်းထုတ်ပြန်လိုက်ပါတယ်။ – စစ်ကောင်စီရဲ့ လေကြောင်းကနေ အင်အား အလွန်အကျွံ အသုံးပြုပြီး တိုက်ခိုက်မှုဟာ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းဖို့ ကြိုးပမ်းအားထုတ်မှုအပေါ်ကို အနုတ်လက္ခဏာဆောင်တယ်လို့ စစ်ကောင်စီနဲ့ ထိတွေ့ဆက်ဆံနေတဲ့ လက်နက်ကိုင်တပ်တွေက ခေါင်းဆောင်တွေနဲ့ စုဖွဲ့ထားတဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST)က ထုတ်ပြန်ပါတယ်။ – အကြမ်းဖက်စစ်တပ်က အောက်တိုဘာလ ၂၅ ရက်နေ့မှာ ပုလဲမြို့နယ် ပကဖရုံးချုပ်ကို ရဟတ်ယာဥ် ၅ စီးနဲ့ ဝင်ရောက်စီးနင်းပြီးနောက် PDF တွေ ဖမ်းဆီးထားတဲ့ အကျဥ်းသား ၁၂ ဦး၊ ၈ တန်းကျောင်းသား ကလေးငယ် တစ်ဦး အပါအဝင် ပြည်သူ ၃ ဦးကို သတ်ဖြတ်သွားတဲ့သတင်းအပါအဝင် နောက်ဆုံးရသတင်း တွေကို တင်ဆက်ပေးပါမယ်။