Khit Thit သတင်းဌာန၏ နိုဝင်ဘာ ၄ ရက် မနက်ပိုင်း ရုပ်သံသတင်းအစီအစဉ်

Khit Thit သတင်းဌာန၏ နိုဝင်ဘာ ၄ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ နိုဝင်ဘာ ၄ ရက်နေ့ မနက်ပိုင်းတင်ဆက်ပေးမယ့် သတင်းတွေကတော့ -အကြမ်းဖက်မင်းအောင်လှိုင်က လာမယ့် ၂၀၂၃ ခုနှစ် ဇန်နဝါရီလ ၄ ရက်နေ့မှာ ကျရောက်မယ့် စိန်ရတု ၇၅ နှစ်မြောက်အခမ်းအနားကို ငွေကျပ်ဘီလီယံချီ အသုံးပြု ကျင်းပကာ ဗိုလ်ရှုခံဦးမှာဖြစ်တယ်လို့ နေပြည်တော် သတင်းရင်းမြစ်က ပြောပါတယ်။ – မကွေးတိုင်း၊ ထီးလင်းမြို့နယ်မှာ အကြမ်းဖက်စစ်တပ် စီးနင်းဖျက်ဆီးခဲ့တဲ့ ကျေးရွာတွေကို ထီးလင်း YDF တပ်ဖွဲ့က နယ်မြေရှင်းလင်းရေးဆောင်ရွက်ခဲ့ရာ အလောင်းမီးရှို့ထားတဲ့ပြာပုံတွေနဲ့ ကျည်ဆံတွေ ဗုံးသီးတွေ သိမ်းဆည်းရမိတယ်လို့ ထီးလင်း YDF ကထုတ်ပြန်ထားပါတယ်။ – ရှမ်းပြည်နယ်၊ ကွတ်ခိုင်မြို့က KBC ခရစ်ယာန် ဓမ္မကောလိပ်ကျောင်းဝင်းကို စစ်တပ်က မနေကညပိုင်းမှာ လက်နက်ကြီးနဲ့ ပစ်ခတ်တဲ့အတွက် ကျောင်းသား ၄ ဦး ထိခိုက်ဒဏ်ရာရထားတဲ့သတင်းအပါအဝင်နောက်ဆုံးရ သတင်းတွေကိုတင်ဆက်ပေးပါမယ်။