ရန်ကုန်၊ နိုဝင်ဘာ ၇
ရန်ကုန်တွင် တန်ဆောင်မုန်း လပြည့်နေ့ ညပိုင်းတွင် အကြမ်းဖက် စစ်တပ်က လုံခြုံရေး တင်းကြပ်ထားသော်လည်း တော်လှန်လူငယ် Demon အဖွဲ့ မှ “ကယ်တင်ရှင် ဘယ်တော့အခါမှ မရှိ” စာတန်း ချိတ်ဆွဲခဲ့ကြောင်း သိရသည်။
မြန်မာပြည်သူလူထုအနေဖြင့် လက်ရှိအာဏာသိမ်းဖြစ်စဉ်တွင် အခြားမှ ကယ်တင်ရှင်ကို မျှော်လင့်မနေသင့်ကြောင်း၊ ကယ်တင်ရှင်မှာ မြန်မာနိုင်ငံလူထုသာဖြစ်ကြောင်းနှင့် ပွဲတော်အပျော်ပါးများကို စစ်အာဏာရှင်အလိုကျ ပါဝင်ဆွဲနွှဲမိပြီး လက်ရှိနိုင်ငံအခြေအနေကို မေ့လျော့စွာ အခြားကယ်တင်ရှင်ကို မျှော်လင့်မနေသင့်ကြောင်း၊ တော်လှန်ရေးတွင် အဓိကကယ်တင်ရှင်မှာ ပြည်သူသာဖြစ်ကြောင်း၊ စစ်အာဏာရှင်ကို ပြည်သူ့အင်အားဖြင့်သာ ပြီးဆုံးပြီး၊ အဆုံးသတ်သွားသည်အထိ ပါဝင်ဆက်လက် အမြစ်ဖျက်ရမှာဖြစ်ကြောင်း အခြားသော “ကယ်တင်ရှင် ဘယ်သောအခါမှ မရှိ” စာတန်းဖြင့် အသိပေးခြင်းဖြစ်ကြောင်း တော်လှန်လူငယ် Demon အဖွဲ့မှ တာဝန်ရှိသူ တစ်ဦးက ပြောဆိုသည်။
